Di homecoming of Senator Natasha Akpoti-Uduaghan, wey dey represent Kogi Central pipo laslas hapun today afta di Chairman of Okehi LGA say dem nor want anytin like rally and even warn police to follow di order fully.
Di crowd from di five local govimet don already gada dey wait for Natasha for Okehi LGA wey she land with white helicopter.
As she dey joyfully dey speak with di pipo, she open some secret about Godswill Akpabio and Yahaya Bello, come say Nigeria na free kontri and she nor dey break any law cus na Sallah she come celebrate with her pipo plus nor be political season dem dey.
Bifor now, Senator Natasha don accuse Senate President, Godswill Akpabio, and foma Govinor of Kogi State, Yahaya Bello, say dem way nor pure as na dem dey wan use di rally take cus problem for di state nai make dem put curfew make she nor come home.