Pipo wey dey for Isapa one community wey nor too far from Eruku wey dey for Ekiti LGA of Kwara State, don see anoda shege from terrorists hand on Monday evening as dem enta di village tiff 11 pipo.
Dem say di attackers reach like 20 to 30 men and dem come with dem melu to di community around 6 for evening dey pray bullet like rain wey even touch one old woman die.
Pipo wey dem eye see werin hapun say bullet holes full doors and wall of pipo haux.
One of di Community leader wey say make dem nor call he name say one biggie belle woman, two women wey dey give children bress, small pikins, and others nai di bandits tiff.
Security agencies never tok any tin about di mata foe now but pipo for di area, dey mount, shine eye make attack nor go come from back.