Court don rule kase to favour foma President Goodluck Jonathan say notin fit stop am to run for 2027 president if he like as law nor band am.
Na one lawyer wey be Johnmary Jideobi nai karey di kase go Federal High Court for Abuja say make court stop Jonathan make he nor come outside for 2026 election.
Wey Justice Peter Lifu on come read di jorjimet on Tuesday for Abuja afta dem don shift di date tire nai he use N20 million fine take press Jideobi neck to pay Jonathan for di stress and say make di lawyer still pay N1million fine to di Attorney-General of di Federation, cus dem still drag he name for di mata.
Di judge, say Federal High Court for Yenagoa and Appeal Court don already say Jonathan fir run for president but di too know lawyer still karey kase come court. Nai he troway di kase say e nor get head and tail.