Delta State Governor Rt. Hon Sheriff Oborevwori say the Federal Government don set to make one formal reconciliation declaration over 1967 Asaba Massacre.
The governor, wen the Secretary to the State Government, Dr Kingsley Emu represent yarn dis one on Wednesday for the anniversary memorial of the massacre for Asaba, 59 years after hundreds of people go down during the Nigerian Civil War.
Oborevwori say the Federal Government acknowledgement of the tragedy dey critical to achieving reconciliation, and say Delta State don already recognize the massacre.
The governor say the Nigerian government go make one formal reconciliation declaration and say dem dey hopeful say this one go happen.
He come talk say the state government go continue to dey support efforts to secure national recognition of the massacre and establish one fitting national memorial, say remembering the tragedy no be attack on Nigeria.