Supporters of Pastor Wen Dey Stand Trial Becos He Marry 75 Wives Don Attack Journalists

No be small acting play nia go down for the Anambra State High Court for Awka on Tuesday as people wen dem dey suspect to be supporters and church members of the General Overseer of Dayspring Assembly, Awada-Obosi, Pastor Harrison Anazodo, attack news people and cameramen.

The men according to report been dey try to dodge the pastor enter the court during the trial and to also protect am make journalists for no capture am, but when the reporters position themselves to make sure say dem get good shots, na so supporters of the pastor come attack them and their gadgets come destroy in the process.

Officials of the Anambra State Government arrest Anazodo and he dey face trial on top seven-count charge wen involve the accumulation of wealth through supernatural means, wen the Anambra State Homeland Security Law 2025 don ban.

Report say he still dey encourage the separation of some women from their husbands and then, he dey take them as him babes.

During today court sitting, eyewitnesses say supporters of Anazodo, when cover the pastor with umbrellas and their hands to protect am from cameras, push journalists with the motor wen carry am as d motor dey reverse towards the entrance door of the court.

Phone of two to three journalists according to report damage for the gbaa gbos, while the supporters occupy every available space for the courtroom, then dem no come leave space for journalists and other observers.