Di way wey kidnaping, killing and many bad tins dey hapun for Delta State, pesin nor fit troway eye komot especially di one for Okpanam and Issele-Azagba as pipo wey dey farm don run leave dem farm cus of kidnapers fear. On Tuesday anoda one hapun again as kidnapers kill one Mr Samuel Okoro, vigilante pesin for Okpanam community as he dey spy on dem. Di human tiff don already kidnap some pipo on Sunday and dey karey dem enta bush wey di vigilante cite dem, nai he start to follow dem from back. As di vigilante dey hide follow di kidnapers to know where dem dey karey di pipo go, he nor know say di kidnapers don already see am. Naso dem gun down di vigilante. Police for di state thru dem PRO, SP Bright Edafe, tok say make vigilante dey always tell police anytime wey dem see sumtin like that and e just dey bad say Mr. Solomon die like that.
I no talk say Boko haram attack Buratai – Ali Ndume
Ali Ndume, d senator wen dey represent Borno south don deny say he no ever talk say Tukur Buratai, the before before chief of army staff luckily escape Boko Haram attack. Ndume yarn dis one wen he dey react to media reports wen dey suggest say he talk say na Buratai nia be the target of of one attack for Borno state last week Friday. The reports show after he mark present for one television interview where he for take talk about security challenges for the country. Ndume come talk say the reports na misrepresentation of him comments, say na Buratai town for Biu local government area nia the bad guys attack and not the person of General Buratai.
Dem no attack my convoy – Buratai
Tukur Buratai, the before before chief of army staff, don talk say d report wen dey play say suspected terrorists attack him convoy for Borno state na lie. Wen Ali Ndume, the Borno senator dey yarn on Sunday, he come talk suspected boko haran members attack Buratai for the state. But for one statement wen Sani Usman, the before before army otota drop on Sunday, he say Buratai wen still serve as Naija ambassador to the Republic of Benin, currently dey for the federal capital territory (FCT).
Delta APC don stamp Sheriff and Tinubu for 2027
The Delta Central Senatorial District All Progressives Congress don adopt President Bola Ahmed Tinubu and Governor Sheriff Oborevwori as sole presidential and governorship candidates of the party for d 2027 general elections. The adoption na part of the outcomes of the APC Delta Central Peace Meeting, wen hold on Sunday, June 8, 2025, for Wetland Hotel for Ughelli, d headquarters of Ughelli North Local Government Area. The meeting na a gathering of the political elders and leaders wen cut across the entire Urhobo nation wen come together to further consolidate the gains of the recent merger of the APC and the People’s Democratic Party (PDP) for Delta State. Na d member wen dey represent Ughelli/Udu Federal Constituency for the House of Representatives, Hon Francis Waive nia move d motion for the adoption of President Tinubu and Governor Oborevwori den Hon. Halims Agoda come second am before the whole house come adopt am wen Senator Ede Dafinone wen dey represent Delta Central Senatorial District put am to voice note. When d Minister of Aviation and Aerospace Development, Olorogun Festus Keyamo dey yarn for d gathering, he come talk say the meeting dey aim to unify both the old and new leaders of APC for Delta Central Senatorial District and he say the unity go move down to the local government areas, wards and unit levels. Olorogun Keyamo come talk say the meeting na very strategic one unto say na the first time when Urhobo political leaders and elders dey come together under one political party to speak with one voice. He come hail President Tinubu for him well-calculated and strategic economic policies, when he say don already start to dey produce positive results for d economy.
Why Family Bury Mike Ejeagha Just Afta He Die
Highlife musician Mike Ejeagha, wey he song start to reign again afta one content creator use am, don finally die on Friday nite at age 95 and di family don already bury am. Na di senior son, Emmanuel Ejeagha, nai tell tori pipo on Sunday say dem get to bury di musician bifor di next day cus na wetin hin want bifor he die. Emmanuel say dem bury hin papa for dem village Umuagba, Imezi-Owa, wey dey for Ezeagu Council Area of Enugu State. He say di papa seriously warn am make he nor ever embalm he bodi so as di papa come die on Friday, na he call di whole family tell dem di mata for ground and even Enugu State Govinor, Peter Mbah, naso dem say make dem follow di wish of di singer. For di telephone interview wey di senior son do on Sunday, na since di papa don dey draw he ear about embalming, so he get folow am cus problem for dey for front. He laslas say di burial preparation and party dem go soon announce am.
Deve Don Stop For Delta Since and Naso E Go Be — Gov Sheriff Oborevwori
Govinor Sheriff Oborevwori during for one press conference for Asaba, don make am open say anytin like ‘Deve’ collection don stop for Delta and he nor wan use ear hear am. He say ‘Deve’ mata don die since 2018 wey hin bin dey serve as speaker for State House, na that time foma Govinor Ifeayin Okowa close ‘Deve’. Govinor say opportunity too plenty for Delta state and with di way ‘Deve’ dey go e go dey stop pipo and even investors to come di State, nai make dem nor wan use ear hear am and anybodi wey hand touch go be example to all.
Nobody dey above d law – Wike
Minister of the Federal Capital Territory (FCT), Mr. Nyesom Wike, don talk say e no get anybody wen dey above the law for Abuja, den he come dey talk say the idea of “untouchables” for the capital city na just fabu. Wen Wike dey yarn for the 2025 Distinguished Personality Lecture for Obafemi Awolowo University, Ile-Ife, Osun State today, he come talk say since wen he enter office nearly two years ago, him administration don enforce strict compliance with rules and regulations in line with the constitution. When the minister dey deliver one lecture with the title “Nigeria of Our Dreams”, he come talk say leadership need the courage to make bold decisions for the common good, not just popularity or sentiment.
Make Una dey patient with us – Tinubu
President Bola Ahmed Tinubu don call on Nigerians to dey patient with him administration reforms, den he come give assurance say “the toughest days dey behind us.” Tinubu, when give the assurance for him message to mark the 2025 Eid-el-Kabir celebration on Thursday, come talk say though the journey never easy, he say him economic reforms don already start to dey produce positive results. The President come still tell Nigerians to continue to dey pray for the armed forces and security personnel wen dey risk their lives daily to keep the country safe. This one na even as President Bola Tinubu don talk say him administration dey committed to transforming the Nigeria Police Force and other security agencies. Wen the Senate President, Senator Godswill Akpabio wen represent Tinubu dey yarn for the second edition of the Police Award and Commendation Ceremony for Abuja, he come talk say modern policing require modern tools, intelligence-driven strategies, and strong community partnerships. President Tinubu come still send strong message to police personnel across the country say while the Federal Government go continue to dey do their part, every police officer, regardless of rank or posting must uphold the sacred trust wen dey bestowed upon dem by the Nigerian people.
Delta State Ready Plans To Fight Crime
Di way crime take dey high for some part of Delta state don make Govinor Sheriff Oborevwori give strong warning to Local council chairmen say anytime dem play with di monthly security council meeting, e nor go easy with that pesin. On wey dem dey do di stakeholders meeting for Asaba nai Govinor tok say dem go start use modern technology wey go epp di stats fight crime and he come tok say di way di LG Chairmen dey behave nor be so cus dem suppose dey fight corruption from di grassroot. Di resin for di meeting na how to fight crime and any chairman wey match line nor come dem go purnish am and even fit suspend am. Govinor Oborevwori come say di kidnaping, cult gbege and killing even drug abuse sef join all di tins wey dem dey tok and from now on dem don map out system to use wey go epp so state security.
Police Kill Four Kidnappers For Abraka Railway
Police for Delta state don join hand with oda security kill four kidnapers wey dey hide for Abraka Railway. Di police team and di oda security nai rush reach Abraka railway area early mormor on Tuesday bifor eye open close, shooting don dey hapun like Rambo film but di police dem gun down four of di kidnapers while di oda ones wey get gun wounds for bodi run. According to di Police Public Relations Officer, for di State Command, SP Edafe Bright he say na Abraka Police Patrol Team join with hunters, vigilantes, and anti-cult pipo nai go di hideout afta dem get beta information about di kidnapers. For di scene nai police see AK-47 gun wey di kidnapers dey use plus 13 rounds of live bullet. Small investigation wey police don do show say one of di suspect wey die nai be di hand leader cus one pesin wey dem just free from di kidnapers tok say so.