No be small okamuka nia play on Monday when one house wife kpuff her husband for around Kulup street off Ekrejegbo for Ughelli North Local Government Area of Delta State.
According to reports, the guy wen don denkwes so and him wifey been get quanta wen the suspect come use cutlass take knack d husband for back of him head.
Based on d report, casala burst out when the guy man wen don legoo so go sleep for outside the previous night con return back to house on Monday.
As soon as the suspect realize the crime wen she don commit she come try to escape but men wen no get joy for the area come cramp her, as dem dey wan roast, nia some police officers come rescue her.
