The Delta State Police Command don arrest one 54-year-old woman becos of the report wen dey play say she fake her own kidnapping to collect N15m from her younger brother.
The woman according to report claim say some men kidnap her enter bush then them come dey demand for N15m ransom for her release.
The police public relations officer of the command yarn dis one for one video wen show how the woman take dey confess to the alleged crime.
The police otota say dem receive the case for the Ogwashi-Uku Divisional Police Headquarters on October 23, 2026, and dis one come make the Commissioner of Police direct the Anti-Kidnapping Unit for Obuluku, Aniocha South Local Government Area, to investigate.
He say the operatives come launch one intelligence-led investigation when expose the alleged plot wen come lead to the woman arrest