The Federal Government don announce the confirmation of the Ebola virus disease case for the Federal Capital Territory (FCT), Abuja and dis one so don trigger emergency public health response with the tracing of 44 people wen dem believe say don dey exposed to the infected patient.
The development don raise concerns about possible transmission of the deadly disease, particularly as the patient wen be one woman when recently arrive for Nigeria from Uganda according to report, receive treatment for som days for one private hospital for Abuja before laboratory tests come confirm the infection on Tuesday, October 20, 2026.
Coordinating Minister of Health and Social Welfare, Muhammad Ali Pate, wen drop dis update during one press conference for Abuja on Tuesday, say dem don place the patient for isolation and say she dey receive medical attention, while public health authorities don senior up for their surveillance and contact tracing to prevent more spread.
According to am, the 44 identified contacts include healthcare workers, patients, caregivers and individuals wen their exposure go fit don happen during the woman journey to Nigeria.
The minister come talk say the Federal Government dey work closely with FCT authorities and the Nigeria Centre for Disease Control and Prevention (NCDC) to identify, assess and monitor everybody wen go fit don come into contact with the patient.