The Media Office of the presidential candidate of Nigeria Democratic Congress, NDC, Mr Peter Obi talk on Monday say officials of the Nigeria Football Federation NFF, stop am from greeting the victorious women’s Under-17 World Champions for the Nnamdi Azikiwe International Airport, Abuja, as the team arrive from Morocco, venue of the tournament.
The Presidency for one sharp sharp reaction, fault wetin the NDC presidential candidate talk, even as the Minister of Aviation and Aerospace Development, Festus Keyamo, SAN, accuse am say na hypocrisy dey worry am.
But for one statement wen talk talk person of Peter Obi Media Office, POMO, Idris Zekeri drop, the office say the before before Anambra State governor dey for the airport on him way to Enugu and then he come see say the team just arrive.
Zekeri say as Obi try to greet the players, officials of the NFF come beg am to save their jobs.
The Media Office come talk say for him usual character, Obi respect their position but he describe the situation for him X handle as a new dimension of toxic politics for Nigeria