Operatives of the National Drug Law Enforcement Agency (NDLEA) don arrest one 25-year-old newlywed businessman, Lovely Chukwulobelu, for the Akanu Ibiam International Airport (AIIA), Enugu, because of the report wen dey play say he make attempt to traffic 72 wraps of cocaine wen he swallow on him way to Portugal, where he dey stay.
The operatives gbab Chukwu-lobelu for the airport departure hall on Thursday, September 25, 2026, wen he dey make attempt to board one Ethiopian Airlines flight to Lisbon, Portugal, thru Addis Ababa.
Dem come tell am to kaka and in the process, he kaka a total of 72 wraps of the Class A drug.
The suspect according to report clear d NDLEA operatives say he been dey operate one car decoration business for the Trade Fair Complex, Ojo, Lagos, before he relocate go Portugal for May 2023.
He come talk say he return to Nigeria to come marry him wifey on September 13, 2026, and say he enter into drug trafficking to settle d expenses wen he spend during him wedding.