The Police Command for Delta State, South-south Nigeria, say na 10 suspects nia currently dey for their custody, becos of the report wen dey play say dem dey in possession of illicit drugs.
Na Bright Edafe, the police otota for Delta State, nia yarn dis one for one statement for Warri den he come drop the update give news people on Sunday.
Mr Edafe, wen be superintendent of police, explain say dem cramp the suspects for Abbi Community, for Ozoro for Isoko North Local Government Area of the state, on Friday and he say the suspects na three males and seven females.
The police talk talk person say na operatives of the command Anti-Cult Unit nia cramp the suspects wen dem go raid one ayangba quarters after dem receive better informate concerning the whereabouts of one wanted suspect, wen burn people property for August.
Edafe come talk say dem recover Illicit drugs like: Tramadol, Swinol, Canadian Loud, and weeds wen dem dey suspect to be marijuana, during the raid.