The National Association of Resident Doctors, NARD, don give the Federal Government two-week ultimatum to settle outstanding welfare and professional issues wen dey affect their members, with the warning say failure to do so go fit lead to industrial action.
The notice dey for one agreement wen the association reach for their 46th Annual General Meeting, AGM, on Sunday for Calabar and na the NARD National President, Dr Emmanuel Ogar nia read the agreement.
The resident doctors say dem dey concerned about the slow pace of implementation of agreements wen the association and the Federal Government reach say the prolonged delays no dey acceptable.
Them come demand immediate action on outstanding issues relating to salary, career progression, professional allowances, too much workload, manpower shortages and the general welfare of resident doctors.
The association call for the immediate implementation of agreements wen dem reach with the Federal Government, particularly those wen get to do with improved conditions of service and professional development.
Dem come still tell the government to conclude the review of existing pay and professional salary structures for doctors, say the current framework no dey reach again becos of the state of the economy.