Three children of the same grandparents don drown for one abandoned pond for Sanico Agbarha-Otor for Ughelli North Local government area of the Delta State.
The victims na Great Anthony Ikpera, 6 years old, Goodluck Anthony Ikpera, 8 years old, and Vwegba Jite Ikpera, 12 years old, and dem be from the Ikpera family of Awirhe community, Agbarha-Otor.
This okpetu so don make the community dey mourn, as sympathizers continue to dey go the homes of their parents to console the families.
According to the President of the Agbarha Youth Council, AYC, Coach Rufus Ovotu and one family member wen yarn wit news people, dem say the parents of the children been raised alarm on Saturday say their children dey miss, and na so one search team come look for them throughout the day without finding them.
While the search continue on Sunday morning, them come see their bodies dey float for the same spot for one abandoned fish pond wen dey beside one flowing stream for the back of the community, with people wen believe say dem go swim, na so dem recover their bodies and den bury dem immediately by the stream side.
The youth leader come call on parents to dey always dey shine their eyes about their children whereabouts, especially by monitoring them and stopping them from going to the stream, as the water level dey very high.