The Federal Capital Territory Police Command don rescue one young woman from one suspected armed robber and ritualist. Na the FCT Police Public Relations Officer, SP Josephine Adeh nia confirm the jerk for inside one statement for X on Sunday. According to the statement, the matter so happen for one hotel for the Wuse district of Abuja, where dem for take see day the guy don tie 25-year-old Promise Eze from Ebonyi State join one small chair, den he come cover her mouth with plaster. Na so she dey unconscious by d time when officers reach d place on January 31, 2025, after dem receive call from one of d hotel staff. Them come rush d victim go d Wuse District Hospital, where she for take regain her consciousness.
We don dey get fuel from Warri and PH refinery – PETROAN
THE Petroleum Products Retail Outlet Owners Association of Nigeria, PETROAN, say their members don start to dey lift petrol from the Port Harcourt and Warri refineries. Otota for the association, Joseph Obele, said the Nigerian National Petroleum Company Limited, NNPCL – come talk say d refineries dey operate and say dem dey supply them the product. For one statement on Saturday, he come talk say “PETROAN members don begin dey load petroleum products, including Kerosene, AGO and fuel. Obele come talk say these refineries wen don begin dey work don make d competition increase and say e dey expected to drive down petroleum prices.
We don dey pay 2023/2024 students Bursary – DSTG
Delta State Government don announce say dem don begin dey pay d 2023/2024 Students Special Assistance Scheme (Bursary Award) to qualified Deltans for higher institutions for across the country. The Executive Seceto for d Delta State Bursary and Scholarship Board, Dr. Godfrey Enita wen drop dis update for inside one statement for Asaba on Saturday, come talk say thDelta State Government don announce say dem don begin dey pay d 2023/2024 Students Special Assistance Scheme (Bursary Award) to qualified Deltans for higher institutions for across the country.e payment go start on February 3, 2025. Even as Enita dey hail Governor Sheriff Oborevwori for the approval, he come talk say na 32,028 students nia go benefit from the bursary scheme.
Na development I go dey attract come – Edafe Emakpor
The Member wen dey represent Uvwie Constituency and Minority Leader of the Delta State House of Assembly, Honourable Edafe Emakpor don talk say He go continue to dey attract development to him constituency through proper legislature. Emakpor yarn dis one wen he go visit Alegbo Primary School for Effurun, Uvwie local government area of d state. The state lawmaker come present money give the school authority to take provide new school uniforms for students wen their uniforms don tear. Honourable Edafe Emakpor come talk say na him passion to see young learners study for better environment nia dey make am dey visit schools for him constituency to get first hand knowledge of their needs for immediate attention by the appropriate authorities.
Introduce whistle-blowing for project mata -Govinor Sheriff
The Govinor of Delta State, Rt. Hon. Sheriff Oborevwori, don talk say make dem introduce whistle-blowing so dem fit check poor projects delivery for the state. Governor Oborevwori, when make the call during one interactive meeting with Permanent Secretaries, Directors and Heads of Ministries, Departments and Agencies (MDAs) for d Government House, Asaba, come thank the civil servants for their loyalty, support, commitment and dedication to duty. He come talk say the meeting wen be the third for the series since he enter office, come become necessary becos of d reports wen dey play say some civil servants dey collabo with contractors dey play the state jogba through poor projects wen dem do. The Governor, come talk say he don suspend two engineers becos dem certify projects wen never complete for payment, and dis one na even as he talk say the decision dey necessary to serve as lesson to others.
Daddy Freeze Use Style Tok 2face New Babe
As some pipo don dey blast Innocent Idibia, 2face as hin don really show he other face to him wife, Annie Idibia wey dey act film, say dem marriage nor fit work again. Popular media person wey dey put mouth for everybodi problem, Daddy Freeze don solve one maths for di problem as he open up about di new woman wey 2face dey friend. Noise start for social media on Sunday wey 2Baba go write for Instagram say he don seperate from Annie and dem go soon divorce after 12 years of marriage. As pipo hear di news, see provocation from every cona but Daddy Freeze don use style take tok di new woman wey 2face dey follow, say na one honorable member. Normally Daddy Freeze, dey close to Annie and 2face and he say Annie know say di singer bodi nor dey fit stay with woman but she karey leg still enta marriage with am, so make she dance di song wey di radio dey play.
US:Justice department sack 12 officials wen work on trump criminal case
Report say the United States’ justice department don sack more than 12 officials when work on the criminal investigations wen concern President Donald Trump. Officials from the department confirm am give the CBS on Monday say the prosecutors receive the sack letters of appointment from James McHenry, acting attorney general, thru email. According to the officials, Henry tell the prosecutors say dem no go fit “trust dem to “faithfully” implement Trump agenda.
NAFDAC close market for Aba
The National Agency for Food and Drug Administration and Control NAFDAC don shut down the Cemetery Market for Aba, Abia State, for the second time for inside two years. The agency say dem discover and den seize fake and substandard food and beverages wen worth more than ₦5 billion for their latest operation wen dem tag Operation Clean Up Aba. When NAFDAC Director-General, Prof Mojisola Adeyeye, come dey yarn for inside one statement wen she sign on Tuesday, he come talk say the raid na “the most decisive action for the history of the market.”
45 percent of Naija girls dey born before 18 years – World Bank
The World Bank don talk say 45 per cent of girls for Nigeria dey give birth before the age of 18. Na the World Bank Country Director, Ndiame Diop nia drop dis update for the National Conference on Girls’ Education and Empowerment wen hold for Abuja on Tuesday. Wen Diop wen the World Bank Deputy Country Director, Taimur Samad represent yarn for the conference wen dem tag “Effective Partnership on Girls’ Education: Out-of-School Children Education for National Development,” he come talk say “more than two-thirds of girls for Nigeria dey drop out of school before junior secondary school.
Akwa-Ibom Deputy Govinor Pikin Don Die
Tears don hapun for Akwa-Ibom State again just few months afta Govinor Umo Eno wife die, di Deputy Govinor, Akin Eyakenyi don dey cry too as her daughter don die too. Tori get am say di deputy pikin wey be Blessing dey born for hospital for Port Harcourt wey problem come start nai lead to her kpeme. Govimet officials, politicians and different pipo don dey tell di family sorry. Di bad tin be say Blessing just marry seven months ago bifor she come dey die so.