‘Project Mbappe’ don become one popular word among football parents wen love football wen go like make their children follow the footsteps of Real Madrid striker Kylian Mbappe. E no really dey surprising, becos of the extraordinary success wen the 25-year-old don achieve based on say he don win one World Cup, seven Ligue 1 titles, finish as runner-up for the Champions League, and seven Ballon d’Or nominations. However, Mbappé don warn parents say make dem no force children dey demand for training so dat dem go be the next football icon.
Magistrate court give Dele Farotimi bail
One Ekiti State Magistrate Court don grant human rights lawyer Dele Farotimi bail for one defamation case wen Afe Babalola file. The 2023 African Action Congress (AAC) presidential candidate, Omoyele Sowore, announce the development for him X handle on Monday. Sowore come talk say d court grant Farotimi N50m bail with surety for the same amount, when must provide landed property as collateral and then d court come adjourn d case till 29 January 2025.
Free Awa Leaders Or Una Go See Serious Gbege, Okuama Community Tell FG, Military
As di President-General of Okuama community, Pa James Oghoroko don die afta army catch him and five others go lock for where no bodi know since August 18 and 20 sotay di PG come die there, di pipo don dey do protest to ask for justice. Na on Sunday nai dem start am, though say dem nor karey wahala do am but di pipo belle nor sweet as dem dey vex di way army dey do dem. Cus of am, dem give govimet and army 7 days to behave well and bring dem leaders and release di deadi bodi of dem PG or face di problem. Dem say di community pipo go block River Niger if di 7 days finish cus dem too na humans wey need beta treatment from President Bola Tinubu and Nigeria Army.
Many Road Block For Onitsha-Enugu Express Road Nor Good — Reps
House of Representatives memebers mind don dey disturb dem about di way wey security agencies take dey colet moni from motor drivers hand for Onitsha-Enugu express road and di too many checkpoints. Na Hon Amobi Oga nai bring di mata up on Thursday wey dem dey do meeting and naso di House members gree with am say dem get to tok with security pipo to look for anoda way. Di lawmakers come say make all di security operatives gada to geda to make sure say all di suffa and way of treating pipo for that side stop cus di too much road block dey stop growth and for di region. Nai dem tell di joint Committees on Defence, Army and Police Affairs to tok with Service Chiefs and di Inspector General of Police to make sure say dem look for way to reduce di sufaness wey dey for Onitsha-Enugu express road.
Max Air Plane Engine Catch Fire, Borno Deputy Others Safe
Passengers wey enta Max Air airoplane around 7 on Wednesday evening to take go Abuja nai see oba afta one of di airoplane engine catch fire as he just start to fly cus one bird fly enta. 100 pipo nai dey di plane join di Deputy Govinor of Borno State, Alhaji Umar Usman Kadafur, but dem happy say no bodi die for di Maiduguri International Airport. As di plane do emergency landing cus of di fire, some pipo say dem go again, carry dem bag go house while others join with di deputy travel to Abuja with anoda plane wey Max Air management give dem.
Court Send Activist Lawyer Farotimi To Stay For Prison
Afta Nigerian Police don arrest human rights lawyer and activist Dele Farotimi come even put am for prison say he write against Aare Afe Babalola (SAN) for him book Nigeria and e tiff man Justice System. Na di presiding Magistrate Abayomi Adeosun for Ado-Ekiti, Ekiti State, nai say Farotimi go dey for prison until December 10. Di 16-count charges wey dem put for di lawyer head na police prosecutor, Samson Osun, nai stand put and dem say Farotimi go dey there till afta investigation, but di lawyer still stand say he nor guilty. Do Lawyer of Farotimi say he client not dey guoth and di case na sumtin wey dem got bail until investigation show say he really do am but di court nor gree, say make Farotimi dey prison till December 10.
Namibia Vote Woman To Be President, First Time Ever
Afta dem don get break away from South Africa for 1990, Namibia don vote 72 years Netumbo Nandi-Ndaitwah to be di kontri first woman president since dem history. Di kontri wey dey very rich for mineral nai vote Nandi-Ndaitwah wey be di Vice President bifor under South West Africa People’s Organization, SWAPO, party wey don dey rule di kontri for long now. Her win push Panduleni Itula di presidential candidate of di opposition party Independent Patriots for Change, IPC, go one side with 57 percent vote. On Tuesday nai di election authority announce say na di VP nai win di November 27 election even with all di tins wey hapun.
Police Arrest Man Wey Dey Make Gun For Akwa-Ibom
Police for Akwa-Ibom State don arrest one David Nse Emmanuel wey dey produce gun join with him papa, Akpan Nse and brothers but di others run. Mr Akpan Nse and hin children dey make guns and sell am give tiff and bad pipo inside Akwa-Ibom and outside di state until information come reach police about wetin dem dey do for di state. Wey di Commissioner of Police for di State dey tok for di Command Headkwata for Ikot Akpan Abia, Uyo, CP Joseph O. Eribo, say as dem hear di mata naso dem rush go di place to raid am but hand only for touch one pesin. Wetin dem seize for di place na seven new made single-barrel gun, five double-barrel gun, one special steel double-trigger pistol, one broken single-barrel gun, one trigger-handle walking stick knife, and many iron pipes wey dem dey use take dey make gun barrel. Police right now dey find do others wey run and dey promise say dem go trace reach pipo wey dey come buy gun from di factory.
Dowen College: Sylvester Mama, Rosemary Oromoni Don Die Of BP
Cry nai full di eyes of Oromoni family afta teree years wey dem 12 years boy pikin, Sylvester Oromoni wey dey skool with Dowen College for Lagos State die. One family pesin nai say Rosemary Oromoni wey be di mama of Sylvester don die for November cus of high blood pressure sickness. Remember say na for 2021 nai Sylvester die for 2021 and report wey come say na chemical nai kill di boy but later dem come change am to say na leg wound nai kill di boy and dem blame di parents and di hospital for di way dem handle di case but dem come remove di skool out of di mata. As Sylvester Oromoni die, e leave big space for di family heart and as di court come even clear di skool The death of 12 year old master Oromoni left a big space in the family with the court clearing Dowen College of any errors
Olosho Na Still Work, Govimet Epp Us From Abuse
As Brazil don put law say dem wan dey protect Olosho workers di ones for Nigeria don dey shout say make dem still do law to protect dem for abuse and exploitation. Na di National coordinator for Nigeria Sex Workers Association (NSWA), Amaka Enemo nai raise du concern of dem members on Tuesday say even police pipo, dem customers no treat dem well like human being. Enemo say make govimet hear dem cry as Olosho work no be tiff, e good make pipo still value dem for di kontri. Di Olosho coordinating madam say na as den even dey around nai make disease, infection and even HIV nor dey too spread. Nai Enemo come dey beg govimet say make put tins in place to epp secure di life of all Olosho wey dey Nigeria.