The Securities and Exchange Commission, SEC, don warn the general public say make dem no do any business with Marino FX Limited, say d commission no register the company to operate for any capacity for the capital market for Nigeria. For one notice wen d commission drop on Sunday, dem say dem dey let the public know say Marino FX Ltd when dey parade itself as SEC licensed cryptocurrency exchange no dey registered or licensed by the SEC to operate for any capacity for the Nigerian capital market, including cryptocurrency exchanges. The Commission come still talk say doing business for the Nigerian capital market with unregistered and unregulated entities dey expose investors to financial risks, including fraud and the potential loss of investment and dis one na even as dem talk say dem dey committed to protecting investors for the Nigerian Capital Market while working hard to end scams and other fraudulent activities.
Why we remove subsidy – Tinubu
President Bola Ahmed Tinubu don talk say the good life wen Nigerians been dey enjoy before him administration no dey real and say na something wen make the country economy collapse, and say na dat reason nia make am remove the fuel subsidy. Tinubu yarn dis one during the combined 34th and 35th convocation ceremonies for the Federal University of Technology Akure (FUTA) for Ondo State, den he come talk say dis him policies of removing the fuel subsidy and unifying the exchange rate dey aimed at preventing the collapse of d Nigerian economy. You go remember say na on the 29th of May, 2023 nia Tinubu take announce the removal of the petrol subsidy during him inauguration.
New Terrorist Group Nor Dey Nigeria Again, Kebbi Senator
Di Senator wey dey represent Kebbi Central, Adamu Aliero, say di new terrorist group, Lakurawa wey dey disturb North-West nai military don porchu komot go Niger Republic. Some weeks ago nai Nigeria military tok say one new group dey try cause gbege for di kontri but later other tok come say di Lakurawa group no be new one as dem don dey since 2018. But wey Senator Aliero come dey tell tori pipo about di update of di mata on Friday for Abuja, he say na Chief of Defence Staff, Abubakar Badaru join other pipo nai put hand togeda porchu di terrorist group on Tuesday komot from Nigeria. Aliero say di troop nor fit enta Niger Republic nai make dem stop for di border afta di group run but now military get to colabo with Niger so that dem fit stop Lakurawa forever.
Una go pay for new national ID card – NIMC
The National Identity Management Commission (NIMC) don announce say Nigerians go need to pay for the new multipurpose national identity card, say government no get money to take care of am. When Dr. Peter Iwegbu, Head of Card Management Services for d NIMC dey yarn during one two-day roundtable for journalists for Lagos, he come talk say d payment go make sure them produce the card for only those wen need am. He come explain say this approach dey aim to avoid repeating past mistakes where dem for take dey issue physical cards for free, but plenty people no collect dem.
Court Of Appeal Don Hold Rivers LGA Election
Di jorjimet wey Justice Peter Lifu of Federal High Court for Abuja give dey criticize October 5 election wey Rivers State Independent Electoral Commission, (RSIEC) do, Court of Appeal for Abuja don nullify am. Di Federal High Court still bin warn INEC make dem nor release voters register to RSIEC during di LGA election and make security operatives nor near where di election. But di panel wey Justice Onyekachi Otisi, lead say di lower court nor get di power to give that kind jorjimet according to Electoral Act cus na only statea, Federal of FCT nai di lower court fit do.
Finland Police Don Arrest Biafra Prime Minister, Simon Ekpa
Di pesin wey nack hinsef title and call hinsef di prime minister of pro-Biafra Agitator, Simon Ekpa, nai don land for Finnish police hand onto crime of terrorism. Na for Ekpa district court of Päijät-Häme nai dem take pass troway Ekpa for prison with other four pipo wey dem say their own na to dey pump moni for terrorist mata. Di central criminal police for Finland nai release statement say Ekpa don dey cause too much gbege for South-Eastern Nigeria. Dem say na di head of investigation, Crime Commissioner Otto Hiltunen from di Central Crime Police say na from different social media channels nai Ekpa take dey sitdon map out he plans.
Mali Sack Prime Minister As He Tok Bad Of Govimet
Kontri of Mali don porchu Prime Minister, Choguel Kokalla Maïga, cus of wetin hin tok against di military govimet for di kontri during one rally wey dem do for Bamako, di kontri capital. Maïga bin tok some days ago say why di junta govimet go shift when dem suppose do election for March 26 go date wey nor bodi even know afta dem take power from military since 2020. On Wednesday nai Alfousseyni Diawara, wey be di Seketary General of President office, nai say di Prime Minister and members wey join am, make dem go house. Maïga own be say di junta govimet and Military leader Assimi Goïta nor dey tell am anytin na just media he take dey hear tins. Di govimet never tok who go take over from Maïga as Prime Minister.
Shine Eye Fake Sugar Dey Market oo, FCCPC Beg Nigerians
Federal Competition and Consumer Protection Commission, don dey shout ring bell make pipo nor buy fake sugar wey nor even get vitamin A cus of cheparticle wey dem see for market. Dem say that vitamin A wey dey normally dey sugar dey epp for eyes, bodi, for children and even pesin wey get belle need am but dis one wey dis fake product dey waka for market dem get cut di wings. From Brazil nai di Commission say dem take dey import so sugar from and e nor even get name, no batch nuba, expirey date and di normal tins wey pesin fit take check. Nai FCCPC Director of Corporate Affairs, Ondaje Ijagwu say wey dem hear of di sugar, dem come hide enta market to know only to see sat di tin full South-West and North-East markets for di kontri. Buy he sha say, make pipo nor fear as dem dey work with NAFDAC to make sure say dem komot di whole fake sugar from market according to di guideline of NAFDAC.
National Assembly Ready To Approve N1.77t For Tinubu
Di new loan of N1.77 trillion wey President Bola Tinubu dey wan borrow to use join di 2024 budget, nai National Assembly go look into today so that dem fit approve am. Presido Tinubu nai bin send letter go give di Red and Green House yesterday, dey explain to dem when he wan borrow more moni to epp make things easy for di budget wey he don already first bring bifor. Senate President, Godswill Akpabio come tell di Committee on Local and Foreign Debts make dem look di report and come back to tell am wetin dem find after 24 hours, so na today all of dem go agree to approval di loan. Even sef di House of Representatives dey ready to do di same tin so that e go make way to support di 2014 fiscal year budget.
Enugu LG Chairman Give New Position Of Yam, Pepper and Garden Egg Assistant
Plenty chorchorchor nai dey waka folow one Mr Nwodo Everestus Ugonna and Ezeugwu Frederick Ogbonna wey come from Igbo Etiti Local Govimet Area, Ogbede for Enugu State Afta di LGA Chairman give dem historic position of yam, garden egg and pepper assistant. Di LGA Chairman Hon. Dr. Eric Ogbonna Odo nai give Ugonna make he be Senior Special Adviser to di chairman on Garden Egg and Pepper while Ogbonna go be adviser for Yam and Pepper and dem office go dey for di LGA. But di letter tok say dis appointment wey Ugonna and Ogbonna get na bass on temporary time with di executive chairman of agriculture.