No be small cry pipo wey dey stay for Asa Umudim community for Osisioma LGA for Abia State cry afta one 40 years man go burn be haux cus of say di wife deg cheat on am. Na God nai save di man say crowd nor kill am as dem hear say one of di pikin die inside di fire then di wife and two children dey fight for dem life for hospital. According to di man, he say na tins wey fit make fire start nai he put for di haux bifor he set di haux for fire even with di wife and teree children inside. Wey dem ask am which kind vex be dat, he say di wife get boyfriends cus she slnir dey ever leave her phone and dey always call day and nite. Di Police Command for Abia don tok thru dem Police Public Relations Officer (PPRO), DSP Maureen Chinaka, say dem don start investigation on di mata.
Delta: Police don arrest 8 kidnappers
The Delta State Police Command don arrest more than eight suspected kidnappers and den recover N4 million ransom from them. When CP Abaniwonda Olufemi, d commissioner of police for Delta State dey parade the suspects on Thursday for the police headquarters for Asaba, h come talk say the command dey tackle the wahala of kidnapping with all available resources to ensure the arrest and prosecution of the bad guys dem. He say, “better policing, intelligence gathering and d raiding of where criminals dey hide put na part of the proactive policing approach of the command.
Police don rescue five month old pikin for Delta
Delta State police don rescue one five-month-old baby wen dem thief two months ago for uvwie local government area. The state police commissioner, Olufemi Abaniwonda nai talk this one for one press briefing for Asaba say one 49 year woman , Joy Temitope Oyetimi nai theif the pikin for February. The mama of the pikin con talk how the suspect drug am when she dey travel from Koko to Warri.
Court Charge VDM For Social Media Badmouth Of Actress and Singers
Social media influencer, Vincent Martin Otse known aka VeryDarkMan don land for court on Thursday cus of say he bad mouth pipo online. Na for Federal High Court for Abuja nai VDM face Justice Musa Liman, for new five count charges wey he dey tok against singer and actress. Dem say he bad mouth Tonto Dike, Iyabo Ojo, Samuel Oguachuba aka Samklef and oda pipo but VDM say he nor dey guilty. Afta di court hear he tok nai dem karey di case fo July 24 to kwatinue.
Lassa fever don kill 138 piple since January
The Nigeria Centre for Disease Control and Prevention (NCDC) say Lassa fever don claim 138 lives between January to date with 19.3 per cent case fatality rate. This one na according to the NCDC latest situation report wen dem share thru their official website. Meanwhile, the report say the figure na better increase from the 18.0 per cent wen dem record for within the same period for 2024.
Bandits Kidnap First Class King for Kogi
Bandits don kidnap one first-class traditional ruler, Oba James Dada Ogunyanda, the Obalohun of Okoloke for him palace for Kogi State. The king wen dem kidnap don cause better panic across the state, particularly for Yagba West Local Government Area, where cases of kidnapping for don take increase well well. According to report, na dis early mor mor nia d bad guys take kidnap Oba Ogunyanda.
Na We Make Students Fail Dis Year UTME, JAMB
For di press briefing wey Joint Admission and Matriculation Board, JAMB deg do for Abuja, dem don really gree say na dem make many students wey write di 2025 Unified Tertiary Matriculation Examination fail. On Wednesday nai Prof. Ishaq Oloyede wey be JAMB registrar say wetin dey suppose do dem nor do am nai make plenty pipo joy don turn to sour akamu. Dis year 2025 UTME wey pipo write, some afta dem see their result land for hospital bed while few drink poison die cus dem nor understand how dem go pass last year and nor fit make beta score dis year. JAMB bin come out tok say out of di 1.9 million students wey write di exam, 1.5 million nor even fit score reach 200, say na cus dem dey fight ojoro for exam make am so. Di tok vex pipo naso one lawyer come even sue JAMB say dem nor know wetin dem dey tok as all di problem na from Dem side, bifor JAMB dey gree now say na dem really make students fail.
Govimet Don Close Clinic Wey No Gree Give CS Woman Blood
Di way quack clinic full Nigeria di tin don dey fear pipo and as di one wey just hapun for Port Harcourt for Captain Amangala Street for Borokiri wey woman die for clinic afta operation but authorities don close di place. Di Anti-Quackery Committee nai go close di clinic wey one Comfort Etuk dey run and for di place no beta nurse there and where dem dey do operation na zero. Na last week nai pipo start.to problem provoke online afta Mrs. Victoria Paris wey be just 37 years die for di clinic cus dem nor gree give her blood because di owner of di clinic na Jehovah witness member. On Monday nai Rivers State anti-quakery pipo wey di Director of Medical Services, Rivers State Ministry of Health, Dr. Vincent Nwachukwu waka go di clinic, take dem license and close di place. The inspection revealed in a statement by Dr. Hope Avundaa, wey come bring put wetin dey see for di clinic, say dem turn teree bedroom to six bed clinic wey women go dey born plus other yamayama. Dem don call all health workers and dokitors wey join bodi go di clinic to come tok wetin dem know..
Students Wey Fail JAMB, Karey Case To Court
Students wey just write di 2025/2026 Unified Tertiary Matriculation Examination just dey vex for Joint Admission and Matriculation Board say dem must karey di exam bodi to court cus di way pipo take fail nor be ordinary eye. Dem say tins wey hapun for di exam dem no follow as kwestun nor dey complete and di system dey do like wetin dey sick and need serious dokitor. When di result finally come naso students dey vex, some even reach hospital for di mata but JAMB say with di 1.5 million pipo wey fail out of di 1.9 million, nai show say JAMB dey really fight ojoro for di exam. Di Minister of Education, Dr Tunji Alausa on Friday come say JAMB on really try say na di measures wey dem put in place nai make pipo nor get reach 200. Na on Monday nai popular education advocate Chief Executive Officer of Educare, Alex Onyia say di case dey on for Federal High Court cus no bodi go tell am say students nor fit get pass 200 and even teachers wey pipo know say book dey dem head, still fail.
Court Don Give Mercy Chinwo Foma Manager Bail Of N20m
Foma manager of gospel singer, Mercy Chinwo wey be Ezekiel Onyedikachi (EzeeTee) wey EFCC karey to Federal High Court for Lagos, nai don get bail for N20 million. EFCC bin use many charges scatter EzeeTee head but dem come reduce am and add new one of over $255,000 forex trade wey get kleg. Na Justice Chukwujekwu Aneke on Friday nai jorji di case of di music producer say court go allow am go if he bring one surety wey get property wey reach N20 million fir Lagos. Di judge tell Ojukwu Chikaosolu wey be EzeeTee lawyer say make 72 hours nor pass bifor dem meet di condition or he go see oba.