US President Donald Trump don talk on Tuesday say dem go start to sell new “gold card” residency permits for a price of $5 million each — and say Russian oligarchs go fit dey qualified. Trump say sales of the new visa, one high-price version of the traditional green card, go bring in job creators and say dem go fit use am take reduce the US national shortage. The Republican president, wen don make the deportation of millions of undocumented migrants top priority of him second term, come talk say the new card go be be one route to highly prized US citizenship.
Registration go still end for March 8 – JAMB
The Joint Admissions and Matriculation Board don talk say the registration period for the 2025 Unified Tertiary Matriculation Examination, wen start on February 3, go end on March 8, 2025. JAMB say dem no go extend the registration period, say dem don announce this deadline tire plus including the official calendar for the 2025 UTME exercise.” This one na even as d board talk say na more than 1.5 million candidates nia don successfully register.
FCCPC don summon MultiChoice ontop increment mata
The Federal Competition and Consumer Protection Commission (FCCPC) don summon MultiChoice Nigeria to explain the company plan wen dem get to increase DStv and GOtv subscription rates. Na Ondaje Ijagwu, FCCPC director, corporate affairs nia make dis announcement for inside one statement on Tuesday. Based on the increase, FCCPC don direct the chief executive officer of MultiChoice Nigeria to attend one investigative hearing for their headquarters on Thursday. Ijagwu come talk say the commission exercise their mandate under Sections 32 and 33 of the Federal Competition and Consumer Protection Act (FCCPA).
Five people die for boat accident for Warri
Na at least five people nia denkwes while 20 others still dey miss after two boats jam each other and na so dem come cover side for Warri South Local Government Area of Delta State. The accident, wen happen on Monday evening, involve speedboats wen carry passengers wen dey return from burial. According to eyewitnesses, most of d passengers no wear life jackets when the accident take happen. The Delta State Police Command confirm the matter, with the command otota Edafe Bright, wen talk say dem rescue six survivors with injuries and say dem dey currently dey receive treatment for one hospital for Warri
Fake Woman Dokitor For Umuahia, Put Scent Leaf Inside Patient Womb
One Miriam Ugochi Emenike, wey lie say she be dokitor wey sabi anytin wey concern woman bodi for Umuahia, Abia State, nai world pipo don dey complain about say na fake and make health sector do tins to make am tight so that fake nor go dey again. D karey Dr. Emenike go Federal High Court for Abuja as she dey play wayo to be dokitor for FMC Umuahia and one private hospital, Echoes of God’s Mercy and Grace Mission Specialist Hospital wey dey Umuahia. Tori get am say dem employ Emenike as Medical Director for September 2023, but di pipo come dey notice say she nor sabi use dokitor language and she don even give wrong mericine wey cus miscarriage for one woman and make anoda one die plus that one dem dey see different tins for her certificate. One pesin even say for one procedure wey dem do, na scent leaf wey dem dey chop nai Dr. Emenike use injection put for some patients bodi, say as dem wan do IVF di scent leaf go clean di womb. As di admin staff don dey see so many kleg for di dokitor, dem tell di owner of hospital say di woman nor know wetin she dey do instead he promote am to be Chief Medical Director, naso pipo start to resign, write letter to di Medical and Dental Council of Nigeria. Na there dem notice say Emenike name nor dey medical dokitor register and di nuba wey she dey use as dokitor na anoda dokitor get am. Dem don karey di case go March 10, 2025, as pipo wey she don give wrong treatment plus dokitors and nurses go come tok wetin dem know against Emenike.
IPMAN Threatens Draw Govimet To Pay Gbese Or No Fuel
Independent Petroleum Marketers Association of Nigeria, (IPMAN) don give Govimet 7days to corporate and pay dem N100 billion or ready to dance to any kind music wey dem do play give Govimet. IPMAN tok thru di Chairman of IPMAN Depot Chairmen Forum, Yahaya Alhasan as dem dey ask Nigerian Midstream and Downstream Petroleum Regulatory Authority, (NMDPRA) to do wetin dem tok or di whole kontri nor go get fuel use. E don reach 40 days wey govimet tok for di present of National Security Adviser Nuhu Ribadu say dem go do sumtin and notin don hapun cus even depots for North and Jos like Gusau, Minna, Suleja, Kaduna, Kano, Gombe, Yola, and Maiduguri, never fit dey work cus of di gbese. Alhasan say na 7 days nai dem give NMDPRA and if dem nor pay di whole kontri go hear am for bodi as dem nor go see petrol use for anytin.
Elderstates Man Edwin Clark Don Die, Family
E never tay wey tori come out say Pa Ayo Adebanjo wey be one of di leader for Pan-Yoruba socio-cultural organization leader die now e don turn to di turn Niger Delta pipo to dey cry. Tok say (Dr.) Sen. Edwin Kiagbodo Clark, OFR, CON, wey be elder statesman for di kontri don die at di age of 97. For statement wey di family bring thru Prof. C.C Clark nai dem say na on Tuesday di foma federal Commisoner for Information and south-south leader take sleep nor wake up again. Di family of Clark-Fuludu Bekederemo of Kiagbodo Town, come say make pipo dey put dem for prayers for dis kind time and dem go dey update about how di burial go be.
Anambra Go Arrest Any Woman Wey Nor Wear Brazier or Pant, Gov Soludo
Govinor Chukwuma Soludo Security wey he set up for Anambra State don make pipo dey tok for social media after dem make announcement say any woman wey dey waka for road and nor wear pant or brazier dem go arrest am. For video wey dem share online nai di man wey dey speak Igbo take dey tok for loud speaker say make women take dey advise now and state to dey wear bra and pant wey dem dey waka come outside cus anyone wey nor follow di law, na arrest straight. Di video don make plenty pipo dey tok online as some dey stand with di new law and others dey say na against pesin right.
Nedu Don Komot From Honest Bunch Podcast, Deeone Dey Beg Nigerians To Epp Am
As tok don full everywhere about Nigerian radio personality, Chinedu Emmanuel, aka Nedu Wazobia, nai di man kukuma come down as host for di Honest Bunch Podcast. All di wahala start afta Deeone go di podcast go tok say Martins Vincent Otse, VDM, dey run man to man tins but instead of VDM to face Deeone he turn am to Nedu say na him cus all di problem and go open Nedu secret of all di girls wey he don sleep with. But for him Instagram handle on Friday, nai Nedu take post say he nor join di podcast again cus of he life, family and loved ones safety. He say he dey happy for di time wey he dey di Honest Bunch Podcast, but as e be now di lie for him head just too much and he nor want make he head blow. Nedu say na only wetin get meaning nai dem dey tok for di podcast but since di negative vibes don too much, make he nor go die bifor he time. Even now sef, Deeone don dey cry for social media dey call celebrities, activists and pipo wey get mouth to come epp Nedu cus na him tok wetin he tok no be Nedu, say make dem nor allow Nedu die like Mohbad
We Dey Find Tuface o, Idibia Family Cry Out
Innocent Idibia family don dey beg Nigerian pipo to epp find dem pikin as dem never see 2Baba for so e days now. Tuface just lost like needle for bush since Monday 10th February and as di family don find am tire nai dem go tell Department of State Service, DSS, to epp dem, and e never too tay wey di mama come out dey beg Natasha Osaruwa to free her son from di jazz she take hold am. Mrs Rose Idibia say di bead wey di Edo State lawmaker give her pikin 2baba na there di juju dey so make Nigerian pipo beg Natasha to remove di juju so that her son eye go clear. For di letter wey dey waka online di family say dem don try all dem best to call do singer phone but he not dey ansa and dem nor fit find am.