Nigerian federal university workers don talk again say dem go automatically fire down wit strike for d month of November if the government carry out their threat to hold their October salary becos dem no gree enrol for one ‘new’ payment system. The federal government and the Academic Staff Union of University (ASUU) don dey get am hot becos of the implementation of the Integrated Personnel Payment Information System (IPPIS). Last week, the Office of the Accountant General of the Federation say the staff of any university wen no gree enrol for d IPPIS no go get their October salaries, but like dis, the teachers dey say if d federal government try am carry out their threat, nia be say dem no go go work be dat.

The Minister for the Niger-Delta Ministry, Godswill Akpabio don talk say na only d national assembly nia get d power to change d budget. Akpabio yarn dis one just after the budget defence session wen he get with the Senate Committee on Niger-Delta. Meanwhile, the Minister statement dey come up after d Peter Nwaboshi-led Senate Committee make request last week for the ministry to ‘rework’ the budget estimates in order to reflect the realities for the oil-rich region, wen get some uncompleted and abandoned project.

Naija military don plan one nationwide operation to demand identity cards from citizens for across the country. For dis Operation Positive Identification, soldiers go dey ask citizens for the streets or highways to produce means of identification on the spot. Last month, the military say citizens for the North-east don dey cooperate with soldiers to make the exercise successful unto say d dey carry valid identity documents dey waka den dem come announce on September 25 say dem go extend the exercise reach everywhere for d country in order to “checkmate bandits, kidnappers, armed robbers, ethnic militia, people wen dey tiff cows plua including other crimes wen dey play for across the different regions of Naija.

Supreme Court of Nigeria don fix Wednesday, October 30, to hear one appeal wen Atiku Abubakar, presidential candidate of the Peoples Democratic Party (PDP) and Peter Obi, him running mate file. The party yarn dis one for their official Twitter page yesterday. Meanwhile, dis one dey happen one day after Atiku Abubakar and him legal team say dem dey worried about the delay for d naming of justices wen go soji their appeal.

The house of representatives committee on top finance don begin dey ask why the Abuja CCTV project fail undermining d $460 million loan wen dem collect from China to take tidy the project. For one budget defence session wen d house get with the ministry of finance yesterday, James Faleke wen be chairmo of the committee come talk say the ministry need to explain give Nigerians why the CCTV no dey work. The cameras dey along side 37 switch rooms, MW backbone, 37 coalition emergency response systems, 38 video conference sub-systems, 37 e-police systems, six emergency communication vehicles and 1.5 million lines for subscription.

Peter Obi wen be the vice presidential candidate for the 2019 Nigerian general election under the Peoples Democratic Party PDP don talk say Nigerians must not give up on the nation. Wen Obi dey yarn during one interview for Abuja, he come talk say need dey to reawake d sense of responsibility towards building a united and prosperous nation

The Nigeria Labour Congress (NLC) don warn their state councils say make dem no rush enter negotiations with state governments concerning the minimum wage adjustments. NLC Acting National Presido Amaechi Asuguni clear news people say the decision na part of the outcome of the NLC 2019 National Leadership Retreat wen end yesterday for Nike Lake Resort, Enugu. He come tell them say make dem wait for the Federal Government template in line with last week agreement.

The Executive Chairmo of d Federal Inland Revenue Service (FIRS) Tunde Fowler say d service don collect N4.012 trillion for three quarters (January-September). The amount represent 60.77 per cent of FIRS’ N8.8 trillion target for this year. He come tell the Senate Committee on Appropriations say the amount dey N77.89 billion above the N3.941 trillion wen dem collect between January and September 2018.

Vice Presido Prof. Yemi Osinbajo don tell religious leaders wen dey very active for social media say make dem no allow am become instrument of war. The Vice Presido yarn dis one this during one religious gathering for Abuja wen be Naija capital. He come tell them to use the social platform take instead promote peace and kindness.

The Police Service Commission don launch one four-year strategic plan to reposition the Nigeria Police Force and dis one so go make the organization dey more accountable in line with international standards. Wen the PSC Chairmo Alhaji Musiliu Smith dey open the 2019-2023 Strategic Plan for Abuja, he come talk say the vision of the agency na to give Nigerians better police force wen no go only dey accountable, but still dey respect human rights, he come talk say dis one so go dey possible through plans wen dem think well. The commission come still say dem dey plan to arrange one electronic database of police personnel including the population of the force, their bio-data, years of enlistment, rank plus including others.