The Nigerian Army don announce the redeployment of some of their senior officers. This informate so dey for inside one statement wen the Director, Army Public Relations, Brig.-Gen Sani Usman sign yesterday for Abuja. Some of the officers wen d matter affect include Commanders of the Finance and Signal Corps; plus including d Artillery.

One national leader of the All Progressives Congress APC, Bola Tinubu, don talk say dem no go remove Lagos state Governor Akinwunmi Ambode from office again. Tinubu, wen yarn after the APC leadership for the state hold one peace meeting come talk say the State House of Assembly don agree to allow peace reign. The before before governor come talk say the executive and the legislative arms of government for the state don decide to work together in the interest of the state.

Leadership of the Christian Association of Nigeria (CAN) don tell those wen dey give go ahead say aircraft and helicopters wen the government officials dey use dey very ok say make dem dey more careful and observant so dat dem no go put d lives of people for danger. Na Samson Ayokunle wen be presido of the association, nia yarn dis one for inside one statement wen he drop yesterday for Abuja. He come tell baba God thank you for d way wen he take make Vice-Presido Prof. Yemi Osinbajo survive helicopter crash on Saturday. Five top socio-cultural organisations endorse Alhaji Atiku Abubakar, the presidential candidate of the Peoples Democratic Party (PDP) yesterday. The organizations nia be: the Pan Niger Delta Forum (PANDEF), Northern Elders’ Forum (NEF), Ohanaeze Ndigbo, Afenifere and Middle Belt Forum (MBF). The organisations say Atiku don show say he go restructure the country if he get the mandate, den dem come accuse Buhari say he no dey show interest undermining say he set up one restructuring committee wen Nasir el-Rufai, governor of Kaduna state dey head. The groups say d only tin wen oga Buhari don succeed to do na to emphasize on tribe and religion for dis him administration, den dem come still dey complain say the level of insecurity and constitutional crisis for d country no be here.

The court of appeal wen dey sit for Abuja don fling one motion wen Walter Onnoghen, suspended chief justice of Nigeria drop wen dey seek for stay of proceedings for him trial wen dey go on for the Code of Conduct Tribunal (CCT) put for corner. The federal government dey prosecute am for false assets declaration. Onnoghen been ball enter the court and him argument na say the CCT no get d right to preside over the case. But yesterday, one three-man panel wen Abdul Aboki lead give ruling say the charges wen dey against Onnoghen dey criminal in nature and say nothing go stop the proceedings before the CCT.

Labour leaders don blast the Federal Government for the plan wen dem get to increase the money wen Nigerians go dey pay to take get travel document. You go remember say the Nigerian Immigration Service announce say the new e-passport, wen go last for 10 years, go cost N70,000 starting from March 4. Yesterday, the labour leaders come give warning for Lagos say many workers no go fit travel abroad unless them reduce d money.

Before before Nigerian Presido Olusegun Obasanjo, don defend him decision again as per why he dey support the presidential candidate of the Peoples Democratic Party (PDP), Alhaji Atiku Abubakar. Before now, Mr. Obasanjo talk say Mr. Abubakar na ‘shameless liar’ and say God no go ever forgive am if he support Mr. Abubakar presidential bid. But wen d same Mr. Obasanjo come dey yarn yesterday, he come talk say the way wen Mr. Abubakar take humble plus him honesty to the people wen he wan serve and d understanding wen he get about the problems wen dey face the nation nia make am get change of heart.