Super eagles interim coach Austin Eguavoen don invite Kano Pillars midfielder Rabiu Ali and 29 other home-based players ahead of this month 2024 CHAN qualifiers double-header against Ghana. This one so mark the third phase of camping for the home-based players after the Nigeria Football Federation organise two earlier sessions for Abuja. The 44-year-old Ali, wen don score eight goals for the 2024/25 NPFL season go dey joined by Remo Stars goalkeeper Kayode Bankole, Rivers United defender Steven Mayo, Abia Warriors forward Sunday Megwo, and Nigeria Premier League top scorer Anas Yusuf among the 30 players wen receive d call up for the assignment.
Delta APC: North and central don reject paulinus as chairmo
The Delta North chapter of the All Progressives Congress (APC) don condemn d attempt wen report say Chief Paulinus Akpeki dey make to take over the leadership of the party. For one short statement wen Senator Peter Nwoboshi sign on behalf of Delta North APC leaders, dem say Akpeki move dey present danger to the stability and unity of the party. Them come meanwhile endorse the Barr Francis Obigbor as the Acting Chairman of APC Delta State. This one na even as the Delta Central Chairmen of the All Progressives Congress (APC) don together reject chief Paulinus Akpeki appointment as the APC acting state chairman for Delta State. Them say d recent appointment of Chief Paulinus Akpeki as acting state chairman of the APC for Delta State dey seriously dey violate the party constitution and dem say dis development go fit cause better casala for the party if dem leave things like dis. The chairmen of the eight local government areas for the Delta Central Senatorial District come express their full support for the deputy state chairman. Them say according to Article 14.2 of the constitution, if d chairman no dey available, den na d deputy chairman nia go assume this role, not any senatorial vice chairman. Them come tell the SWC to do aback turn on top this appointment immediately and den follow the constitutional framework wen dem promise to uphold.
Police burst child traffick gang for River state
The Rivers State Police Command don announce say their operatives don dismantle one child trafficking gang and den rescue four children for Rumukwachi Community near Port Harcourt. The police come still talk say dem arrest one suspect, Esther Anthony, plus one person report say dem dey work together based on their connection with the trafficking. Na talk talk person for the command, Grace Iringe-Koko nia drop dis update for inside one statement wen she drop for Port Harcourt on Monday. Iringe-Koko come talk say dem don already lodge d children wen dey between d ages of one and 13 years for one guest dey wait to traffick dem before d police take gbab dem.
We no get anything with Simon Ekpa supporters – IPOB
The Indigenous People of Biafra (IPOB) don talk say dem no get anything to do with Simon Ekpa supporters over the declaration of the United States of Biafra for Finland. Ekpa say na him nia be d leader of the separatist group. After the Finish police arrest am den dem come send am go prison and den, some of Ekpa supporters come gather for Finland on Friday dey make the United States of Biafra declaration. But for one statement on Sunday, Emma Powerful, IPOB otota say wetin Ekpa talk na scam.
No Be Awa Men Dey Pack Fuel From Tanker Wey Fall — NPF
Di Nigeria Police Force don come out tok dey own side for di video wey dey trend as police officers dey pack fuel from tanker wey fall for road. For statement wey Police tok on Monday for dem X handle thru dem Public Relations Officer, Olumuyiwa Adejobi, nai say make pipo look well cus di uniform wey di policemen for di video wear resemble Nigeria own but nor be Nigeria police be that as na anoda language nai di men dey speak. Police say if pipo put ear down dem go know say na French nai di officers dey speak but news just dey fly anyhow cus bad pipo wan use am take destroy Nigeria Police Force name. Nai NPF say na neighbor kontri wey dey speak French police dey di video, so e go beta make pipo know sumtin Wella bifor dem come out tok about am.
Minimum Wage: We go strike for 5 states if tins no change – NLC
If things no change from the way wen e take dey now, workers for the Federal Capital Territory, Cross River, Nasarawa, Ebonyi, Kaduna and Zamfara states go fit start strike today unto say the state authorities no gree negotiate the payment of the N70,000 new minimum wage. Though the implementation panels wen the concerned states set up don dey meet with labour leaders in a bid to cancel the strike action, the different state chapters of the Nigeria Labour Congress don talk say dem dey very ready to start strike from today. Before now, the FCT Council of the NLC direct the workers for the six Area Councils to start indefinite strike on December 1 until dem receive more directives.
We no get business with Marino FX Limited – SEC
The Securities and Exchange Commission, SEC, don warn the general public say make dem no do any business with Marino FX Limited, say d commission no register the company to operate for any capacity for the capital market for Nigeria. For one notice wen d commission drop on Sunday, dem say dem dey let the public know say Marino FX Ltd when dey parade itself as SEC licensed cryptocurrency exchange no dey registered or licensed by the SEC to operate for any capacity for the Nigerian capital market, including cryptocurrency exchanges. The Commission come still talk say doing business for the Nigerian capital market with unregistered and unregulated entities dey expose investors to financial risks, including fraud and the potential loss of investment and dis one na even as dem talk say dem dey committed to protecting investors for the Nigerian Capital Market while working hard to end scams and other fraudulent activities.
Why we remove subsidy – Tinubu
President Bola Ahmed Tinubu don talk say the good life wen Nigerians been dey enjoy before him administration no dey real and say na something wen make the country economy collapse, and say na dat reason nia make am remove the fuel subsidy. Tinubu yarn dis one during the combined 34th and 35th convocation ceremonies for the Federal University of Technology Akure (FUTA) for Ondo State, den he come talk say dis him policies of removing the fuel subsidy and unifying the exchange rate dey aimed at preventing the collapse of d Nigerian economy. You go remember say na on the 29th of May, 2023 nia Tinubu take announce the removal of the petrol subsidy during him inauguration.
New Terrorist Group Nor Dey Nigeria Again, Kebbi Senator
Di Senator wey dey represent Kebbi Central, Adamu Aliero, say di new terrorist group, Lakurawa wey dey disturb North-West nai military don porchu komot go Niger Republic. Some weeks ago nai Nigeria military tok say one new group dey try cause gbege for di kontri but later other tok come say di Lakurawa group no be new one as dem don dey since 2018. But wey Senator Aliero come dey tell tori pipo about di update of di mata on Friday for Abuja, he say na Chief of Defence Staff, Abubakar Badaru join other pipo nai put hand togeda porchu di terrorist group on Tuesday komot from Nigeria. Aliero say di troop nor fit enta Niger Republic nai make dem stop for di border afta di group run but now military get to colabo with Niger so that dem fit stop Lakurawa forever.
Una go pay for new national ID card – NIMC
The National Identity Management Commission (NIMC) don announce say Nigerians go need to pay for the new multipurpose national identity card, say government no get money to take care of am. When Dr. Peter Iwegbu, Head of Card Management Services for d NIMC dey yarn during one two-day roundtable for journalists for Lagos, he come talk say d payment go make sure them produce the card for only those wen need am. He come explain say this approach dey aim to avoid repeating past mistakes where dem for take dey issue physical cards for free, but plenty people no collect dem.