Real Madrid Croatian midfielder Luka Modric talk on Thursday say he go leave the Spanish giants after the Club World Cup this summer. The Croatian don play nearly 600 games for Real Madrid since wen he join from Tottenham for d year 2012, and he don win six Champions League and four La Liga titles among other trophies. Modric overcome one slow start after him €35 million Euro move to Real Madrid to become one of the world top midfielders, winning the 2018 Ballon d’Or after he lead Croatia go one World Cup final and na so he dey finish work for Madrid.
Donald Trump don block Havard university from enrolling foreign Students
The administration of President Donald Trump don finally block Harvard University make dem no enroll international students, and dis one na according to d report wen CNBC drop on Thursday. The development show even with the ongoing court case between the Ivy League school and the Trump administration. Department of Homeland Security Secretary Kristi Noem come talk say he dey write to inform every say starting from just now, Harvard University Student and Exchange Visitor Program certification don cancel. For the month of April, Noem threaten to cancel Harvard ability to enroll international students. She tell the university at that time say their certification to enroll foreign students go fit dey possible if dem comply with federal immigration laws.
FG don open criminal case against Sen. Natasha
The Federal Government don file one criminal case against Senator Natasha Akpoti-Uduaghan, d senator wen dey represent Kogi Central, becos of the report wen dey say he make wrong comments during one live television interview. The federal government file d case wen dem number CR/297/25, for the Federal Capital Territory High Court on May 16, 2025 and Akpoti-Uduaghan na d only defendant. The government dey accuse her say she make those statements even wen she know say wetin she talk go spoil the image of the other person wen she dey blast. Meanwhile, d charge fall under Section 391 of the Penal Code and e dey punishable under Section 392.
APC govinors don stamp Tinubu for 2027
The All Progressives Congress (APC) governors don endorse President Bola Ahmed Tinubu as the party only candidate for the 2027 presidential election. The 22 governors wen dey under the umbrella of Progressives Governors Forum (PGF), announce the endorsement through their chairman, Governor Hope Uzodimma of Imo State, for the APC National Summit wen hold for the Banquet Hall of the State House on Thursday. Mr Uzodimma move the motion for Mr Tinubu adoption wen the forum vice chairman, Governor Uba Sani of Kaduna State come second am.
Come APC or resign – Akwa Ibom Governor
Akwa Ibom State Governor, Pastor Umo Eno, don direct all commissioners and political appointees for him cabinet to either defect with am go the All Progressives Congress, APC, or resign from their positions. The governor drop d directive during one ongoing State Executive Council (EXCO) meeting on Thursday, where he for take openly confirm him decision to leave the People’s Democratic Party, PDP, for the APC. Sources wen mark present for the meeting say Governor Eno make am clear say him movement no suppose come as surprise to any of him appointees, am say anybody when claim say dem no dey aware of him plan to leave the PDP dey still dey live for the 18th century.
I no go see Tinubu cos of ₦225 billion debt – Peter Obi
Peter Obi, former Labour Party presidential candidate, don deny the report wen dey play say he travel go Rome to meet with President Bola Ahmed Tinubu becos of one alleged ₦225 billion debt wen dey linked to Fidelity Bank. For one statement wen Obi release today, he say the report na part of one blackmail campaign wen dey aimed at spoiling him image. One media report play come recently say Obi meet secretly with Tinubu for Rome to plead for intervention for one financial scandal wen involve Fidelity Bank, where he for take serve as one board member. However, the before before Governor of Anambra State categorically deny am say he no ever request or hold any private meeting with the president on account of any bank.
We go release funds to support foreign mission – FG
The Federal Government dey make plans to release intervention funds to support their foreign missions wen dey struggle, and dis one na according to sources for the Ministry of Foreign Affairs. This one na in a bid to reduce the effects of months-long financial issues and to prevent Naija diplomatic presence abroad from reducing more. Meanwhile, the measure show after reports play come say more than 450 foreign service officers never get their pay for up to six months, and dis one come dey force many into financial hardship and operational paralysis.
Cult activities dey make us lose money – Monday Okpebholo
Edo State Governor, Senator Monday Okpebholo, don raise alarm over the terrible economic impact of cultism, den he come talk say the state dey lose more than $1bn for potential investments yearly becos of violent cult-related activities. For one statement wen the Chief Press Secretary to the Governor, Fred Itua tender, the governor say na fear and instability wen d back to back clashes among rival cult groups dey cause nia dey lead to the financial losses wen don dey happen for over the years, particularly for the past five years. Itua come talk say the cult-related violence don become one major concern for investors, local businesses, and Edo indigenes wen dey base for abroad wen dey fear to bring their money to come invest for the state becos of safety concerns.
Naija prison don release name of prisoners wen escape for Osun
The Nigerian Correctional Service (NCoS) don release the name and picture of the seven prisoners wen escape from the Medium Security Custodial Centre for Ilesa, Osun state. The prisoners escape from prison on Tuesday morning after the prison wall fall becos of heavy rainfall. For one statement wen d NCoS come drop on Wednesday, dem offer N5 million reward for anybody wen get useful information wen go fit lead to the recapture of the suspects wen gbes. The prisoners wen escape na John Micheal (34), Tobi Akin (19), Eze Nweze (40), Ninalowo Yusuf (28), Matthew Ogunjimi (20), Kabiru Oyedun (39), and Olalekan Ajofoyinbo (45).
Ghana Man Wan Use Water Swim To USA
One man from Ghana do sat he go do di unbelievable and swim from from Ghana to obodo USA to break world record. Di man na Dauda Seidu Bayigo and na for TikTok nai he take say he wan break di longest swimming hour wey one Nejib dey hold as he swim for 76 hours 30 minutes from September 15 to 18, 2018. Na dat record nai Bayigo say he wan try to break as he go start to dey swim from Ghana to USA from on di 6 of June. Di pesin wey hold di position for now, Nejib bin swim for 120 kilometres (75 miles) from Tunisia Gulf Mediterranean Sea to Sfax mainland and di island of Djerba.