The Federal Airports Authority of Nigeria (FAAN) say dem don receive one alert from the ministry of aviation say men dey plan to attack airports for across the country. This informate dey for one memo wen S.M. Mamman, FAAN deputy general manago of administration and logistics sign den he come address am give airport chiefs of security. According to the document wen news people see wen carry April 9, 2021 as date, airports wen dey for the list include those for Kaduna, Maiduguri, Sokoto, Kano, Abuja, and Lagos.
FG need to increase judge dem salary-SERAP
The Socio-Economic Rights and Accountability Project SERAP don talk say sharp sharp need dey to increase salaries, allowances, and conditions of service for Nigerian judges, and say make dem reduce d salaries and allowances of top political office-holders in order to address the steady poor treatment of judges, and say dis one go help victims of corruption dey quick dey get justice.” The group for inside one letter wen dem send go give the Chairmo, Revenue Mobilization Allocation and Fiscal Commission, Elias Mbam say e no just make sense to dey pay the President, governors, and lawmakers orobo salaries, then dey pay judges small thing, den dem say dem go still send the letter give d National Assembly for solution and better action. SERAP say the letter show after the nationwide industrial strike action wen the Judiciary Staff Union of Nigeria fire down wit becos dem want financial freedom for the judicial arm of government.
South-East start their own security group,Ebube Agu
The South-East region don launch their own joint security outfit wen dem codename EBUBEAGU. This one hapoen after governors and stakeholders of the region hold one security meeting for Imo State on Sunday. The governors of Anambra, Abia, Ebonyi, Imo and Enugu states mark present for the meeting, meanwhile other people wen attend d netting na Navy and Air Force Commanders, the Inspector-General of Police, Ohanaeze Ndigbo and other stakeholders.
Evwreni:We go meet wit kingmakers to settle matters-O’tega Emerhor
The Evwreni Crisis Resolution and Peace Committee wen Olorogun O’tega Emerhor dey lead don talk say dem go meet with all d kingmakers for the kingdom wen dey bonus so dat dem go fit settle all d issues wen relate to the plan wen report say dey on to remove HRM Oghenekevwe Kumane as the Ovie of Evwreni Kingdom. One section of the kingmakers dey hold ground say dem must remove the traditional ruler wen him hand dey for d gbege wen dey play for crisis the kingdo, say he dey spoil d Evwreni traditional stool wen dem dey respect well well. Den for one statement wen Emerhor, the chief leader of the peace committee, personally sign on Sunday, he say he understand why dem dey paradise, den he come tell them to kpror, make den maintain peace and allow the committee settle d matter.
Okowa congratulate Igbimi ontop by-election win
Okowa congratulate Igbimi Ojoro dey d election-Sylvester Imonina Governor Ifeanyi Okowa don tell Mr. Jude Ogbimi big congratulobia as he take win on Saturday by-election for Isoko North constituency seat for the state House of Assembly. For one statement wen d governor Chief Press Seceto Mr Olisa Ifeajika drop for Asaba, on Sunday, Okowa come talk say the election of Ogbimi na “the confirmation of the will of the people and the PDP wen hold ground strong for Delta” He come still congratulate the Peoples Democratic Party (PDP) for the result of the election as their member, Ogbimi take win and he say according to Independent National Electoral Commission (INEC) Ogbimi get 29,421 votes wen he take beat main challenger, Mr Emmanuel Tabuko wen be from d All Progressives Congress (APC), when get 2,543 votes. Meanwhile, The APC Publicity Seceto Sylvester Imonina don accuse d PDP say ojoro dey for d election. For one statement wen Mr. Imonena download on Sunday, he say d election no pure. But as e dey hot, the Publicity Seceto of the PDP, Dr. Ifeanyi Osuoza come talk say wetin Imonena dey yarn no get head, say na APC way to dey always dey accuse upandan. He come talk say d APC no ever dey serious and say dem no dey lai lai dey prepare for any election for the state.
National Sports Festival go continue-FG
The federal government dey hold ground say the activities for the ongoing National Sports Festival for Edo state go continue without any disturbance. The government yarn dis one wen dem dey react to d threat wen d local organising committee drop say the festival go end on Thursday around 12 in d afternoon becos of d lack of pepper. But for one statement wen Ramon Balogun, assistant director press ministry of youth and sports development drop, he say the federal government say dem no know about any threat wen Edo state make say dem go shut down the sports festival. He come still tell the local organising committee to formally invite the ministry for one meeting in case of any incasity as regards the festival.
D universities na for Deltans-okowa
Governor Ifeanyi Okowa, don talk say the creation of three new universities for the state na to expand Deltans their access to university education. Okowa yarn dis one on Wednesday for Asaba wen he dey inaugurate one eight-member Project Management Committee for the three universities wen dem newly arrange for the state. The Committee get Commissioner for Higher Education, Prof. Patrick Muoboghare as Chairmo. He come talk say dem take their time choose members of the committee based on their track records for the academic world, public administration and the private sector.
Osibanjo tell new IGP-Bring dignity back to naija Police
Vice-Presido Yemi Osinbajo don tell Usman Baba, d acting inspector-general of police (IGP), to bring back dignity to the force and den rebuild the trust wen the public no get again for the force. Wen Osinbajo dey yarn on Wednesday wen dem dey decorate Baba with him new rank for the state house for Abuja, he come tell d new IGP say dis time wen he take enter office so no easy at all. The vice-presido come tell the IGP to fire down wit community policing in order to end the insecurity wen dey increase for the country.
I go work hard to improve Naija police-Usman Baba
Usman Alkali Baba, the acting inspector-general of police (IGP) don talk say he go work hard to improve the force. Na on Tuesday nia president Muhammadu Buhari appoint Baba as acting IGP with Mohammed Adamu, the before before IGP wen hand over to am for Abuja on Wednesday. Wen the new IGP come dey yarn after the ceremony, he come tell Nigerians to expect improvement for the security situation for the country. He come still beg for corporation from Nigerians, becos according to am, security na the responsibility of everybody.
We go provide facilities for our new universities-Okowa
Governor Ifeanyi Okowa don talk say dem go provide major facilities wen dey needed for full take-off of the three universities wen dem newly establish for the state within the limit of d pepper wen dey available. Okowa yarn dis one wen he dey soji ongoing projects for the new Dennis Osadebe University, Asaba. He come talk say he go do everything possible for the remaining two years of his administration for the universities to operate all d courses wen the National Universities Commission (NUC) approve. He come tell contractors wen dey handle the projects say make dem redouble their efforts say him administration dey hurry to leave lasting legacies for the state, including d education sector.