Court of Appeal for Abuja don stamp di election wey karey Govinor Hyacinth Alia for Benue State put for seat.
Na di candidate of PDP, Titus Uba nai karey Govinor Alia go court say hin nor go accept di result wey INEC give.
For di tribunal Uba say Alia deputy, Samuel Ode, bring wayo certificate give INEC plus other tins.
Then he say 180 days don pass before dem summit Alia name for election and even Ode name dem nor give am to INEC afta di party do anoda primary election.
As di three-member panel wey Justice Ibrahim Karaye, sitdon look and dysect di mata, nai dem stamp am say e nor join as na afta election mata