Chief Press Seceto to the Governor of Delta State, Sir Festus Ahon don pay d West African Examination Council, WAEC enrolment fees for all poor students of Erhavwen Secondary School, Ekrerhavwen-Agbarho, Ughelli North Local Government Area of the state.
Wen sir Ahon dey make the payment on Tuesday fir Ekrerhavwen-Agbarho when he visit the school, he come talk say dis thing wen he do so dey in line with Governor Sheriff Oborevwori MORE Agenda for all Deltans.
He come beg the Principal and staff to dedicate their time to teach and guide the students to behave well and to avoid anything wen go fit stop their education and goal for dis life.
Wen the School Principal, Mrs Patience Ekakitie come dey respond, she come hail the Governor otota for dis beltalicious thing wen he do and say d students go make am proud by doing well for their exams and say dem go remain focused.
One teacher for the school and trustee of the Ekrerhavwen-Agbarho community, Mr Sunday Damatie wen hail Sir Ahon for him humanitarian works for the community come still beg am to use him good office take get the state government to fence the school so dat people no go cut enter the land.