No be small fear nai enta pipo bodi wey dey for inside flight P47193XF as dem dey travel with Air Peace airplane from Port Harcourt to Lagos.
All of a sudden nai di pilot see sumtin for inside di plane dey tell am say fire wan start for inside di plane.
Di company statement say with strong mind nai di pilot start to press all wetin hin know to make sure say fire nor start bifor he jejely land di plane for ground remove all di passengers.
As di plane land nai dem notice say na fake fire alarm nai just dey ring for di plane.
Know say e never tay wey Dana Air wan land for Lagos runway but all of a sudden he jump komot to enta bush, naso FAAN take say make all Dana Air nor dey fly again for now.
