Di Ministry of Communications, Innovation, and Digital Economy don announce on Thursday say dem don start Build-a-thon teaching initiative program.
Dem just start di program afta govimet launch am for early December.
Wetin Bosun Tijani di Minister of Communication, Innovation and Digital Economy tok be say, di idea go make students wey dey for senior secondary skool sabi technology quick.
He say na four days nai di program go run from January 2024 and na 1,500 students dem dey expect from 150 skools for teree place, Owerri, Maiduguri, and Abeokuta.
Na for X nai di ministry take dey call on teachers wey know say dem dey qualify to apply. And di real candidates go get eye for education, be teacher and karey beta mind wey go fit epp di next generation of tech for secondary students.
Pipo wey qualify di ministry say make sm go apply for di program website.
[SA]
