Governor Ifeanyi Okowa don talk say the state government go arrange one Special Victims’ Support Fund for the payment of compensation in the form of money give deserving people wen police don maltreat and those wen our olokpa dem don kpuff for the state.
Na yesterday nai the governor take make the announcement for Asaba when he dey inaugurate one eight-member Judicial Panel of Enquiry wen go soji police brutality and other human rights abuses for the state.
Okowa come talk say e dey very sad say those wen get d power to protect the lives of Nigerians nai come dey kpeff and dey brutalise them, he come tell the panel to dig out all human rights abuses wen Special Anti-Robbery Squad (SARS) operatives wen dem don dissolve carry out and den deliver justice to the victims and assistance to d families wen dey mourn.
