+ 234 909 771 1005

info@kpokofm.com

Follow Us:

PVC collection dey slow

People wen dey qualified to Vote for Asaba, d Delta state capital don beg the Independent National Electoral Commission (INEC) to extend the deadline for distribution of the Permanent Voters Cards (PVCs) for voters for the state so dat dem go fit cast their vote for the forthcoming general elections.

Some voters wen yarn wit our news person come talk say d stress wen dem dey pass thru just to get their PVCs no be here, say dem dey even dey get to stay for queues for days before dem dey fit get their PVCs.

Miss Obviye Patricia and Mrs. Nwonye Charles come talk say d process of PVCs collections for almost every units for Asaba dey very slow

For Zappa Mixed Secondary school where them for take dey distribute PVCs, Mr. Orahi Daniel and Mr. David Agofure clear our news person say d wahala wen people dey go thru just to get their own voter’s card na dead.

Na all these ones nia come make dem dey beg the electoral body to extend the deadline so dat many of them go fit get their PVCs

Wen d Acting Administrative Seceto of INEC for the State, Mr. Felix Enabor come dey respond to their request, he come talk say the commission neva get any notice on the extension date for the exercise.

He come talk las las say INEC dey committed to conduct peaceful and credible elections for the state.

Leave a comment

Your email address will not be published. Required fields are marked *

Contact Info

Quick Links

About Us

Make E beta for you

Contact Us

Advertise with Us

© 2023 KpokoFM