The federal government don remove some food items comot from the Value Added Tax VAT. This one na according to the 2020 national budget wen President Muhammadu Buhari present yesterday. Some of the items wen people no go take pay VAT, in addition to the pharmaceuticals, educational items, and basic commodities include brown and white bread, cereals, fish of all kinds, flour and starch meals. Others na fruits, vegetables, roots wen include yams and d rest, herbs, salt, milk, meat and water.

President Muhammadu Buhari don talk say any Federal Government worker wen him name no dey for Integrated Payroll and Personnel Information System IPPIS by October 31st no go get him monthly salary. Oga Buhari yarn dis one wen he dey present the 2020 budget proposal dey give the joint session of the National Assembly for Abuja yesterday. He come talk say this one na part of the Federal Government efforts no manage personnel costs in line with their gbege against corruption.

President Muhammadu Buhari don talk say cold dey catch am. Na wen oga Buhari dey present the 2020 Appropriation Bill give d joint session of the National Assembly for Abuja nia he for take yarn dis one. He come talk say he dey sick becos of d too much work wen he dey do as President of the country.

Boniface Igbeneghu, one lecturer for the University of Lagos wen dem cramp for camera wen he dey try run things wit one student wen dey find admission don promise say he no go talk anything concerning the situation. Wen d lecturer dey yarn wit news people, he come talk say he no go fit yarn anything now unto say UNILAG still dey investigate am. Meanwhile, for one 13-minute video, Igbeneghu clear Kiki Mordi, the undercover reporter wen form as d student wen dey find admission of how some lecturers for d kians take dey oppress female students becos of sex. Meanwhile Yaw Gyampo, one professor of political science for the University of Ghana, don promise to sue the BBC becos of one sex-for-mark video documentary. Gyampo hand stain for d 13-minute video documentary wen BBC Africa Eye release yesterday; The professor come talk say the documentary na trap say becos he no involve for the matter.

Babatunde Fowler, chairmo of the Federal Inland Revenue Service (FIRS), don talk say nothing dey bad for d communication tax wen dem dey try introduce. Fowler yarn dis one wen he dey voice wit news people for the ongoing Nigerian Economic Summit Group conference wen dey play for Transcorp Hilton for Abuja. At present, lawmakers dey propose 9% charge for people wen dey use telecommunication services in place of 2.2% proposed increase for value-added tax wen the federal executive council (FEC) dey propose.

The Economic and Financial Crimes Commission, EFCC don talk say d reports wen dey play say about N900 million naira notes wen don bad wen dey for different boxes for EFCC care don turn to paper no be true. The anti-corruption agency say the report na big fat lie and say na serious misrepresentation of facts and dis one dey for inside one statement wen dem drop yesterday even as the commission dey prosecute the people dem wen tamper wit d dough wen dem keep for the CBN office for Ibadan. The commission come talk say e no get any time wen dem take carry the boxes of the bad money go the office of the EFCC…

The Nigeria Labour Congress (NLC) don tell workers for the country and the citizens say make dem ready for a very long nationwide strike say becos the ultimatum wen dem give Federal Government to implement the N30,000 new minimum wage don expire. Them drop d warning yesterday during this year World Decent Work Day celebration for Lagos. For the rally wen dem organize to take mark the celebration, NLC Presido Ayuba Wabba wen the union Deputy General Secretary, Ismail Bello represent come tell the government to agree to d adjustment of the salary wen dey cause issues and den make dem start d payment immediately…

The University of Lagos (UNILAG) don suspend Boniface Igbeneghu, one lecturer and before before sub-dean of faculty of art for d kians becos of sexual harassment. Na one 13-minute video documentary wen the BBC Africa Eye release nia expose Igbeneghu, when be still head pastor for Foursquare Gospel Church, yesterday. Dem cramp d guy for camera as he take dey try to run things wit one undercover reporter wen form say she dey find admission for d kians. Meanwhile The Foursquare Gospel Church for Nigeria don tell Boniface Igbeneghu to step down from all “ministerial assignments”. Igbeneghu, when be part-time pastor for the church na still lecturer for the University of Lagos. Wen d church come dey yarn for one statement, them come talk say dem no dey in support of wetin d lecturer do at all at a all. Still on still Before before senate Presido Bukola Saraki don tell President Muhammadu Buhari and the National assembly to revisit the sexual harassment bill. The bill plus including others prescribe five-year jail term for any lecturer, educationist or person wen dey in position of authority for any tertiary kians for Naija wen dey found guilty of sexual misconduct. Meanwhile, Mr. Saraki yarn dis one after BBC Africa expose one UNILAG lecturer for one video where one undercover journalist, Kiki Mordi, for take form say she na 17-year-old student wen dey find admission for d school.