Super Eagles head coachee Gernot Rohr don give CSKA Sofia winger Solomon-Otabor late call-up for the international rob body game against Brazil. According to tweet wen show from the Nigeria Football Federation’s official handle on Sunday night Solomon-Otabor go replace Samuel Kalu wen get injury. Kalu kpake injury wen he dey train with him French club, Bordeaux, and dis one come make am no play for their on Saturday game wen Toulouse take mama dem 3-1. Meanwhile, Solomon-Otabor don play for seven league games for CSKA Sofia this season.
12 teachers for Delta receive cars and cash rewards
As the World celebrate World Teachers’ Day on Saturday, 12 teachers for Delta receive cars and cash rewards for their make sense performance for their duties. Na the state governor, Dr. Ifeanyi Okowa nia announce the rewards for one Dinner and Awards night wen d Ministry of Basic and Secondary Education collabo wit d Nigeria Union of Teachers (NUT) organize for teachers for Asaba. People wen receive the awards include principals, head teachers and classroom teachers for primary and secondary school levels, after one selection process. Okowa come tell d teachers say make dem no dey only teach but make dem dey develop the attitude and moral character of their pupils.
House of Rep. don pass expenditure framework
The House of Representatives don pass the 2020-2022 Medium Term Expenditure Framework and Fiscal Strategy Paper. The House Joint Committees of Appropriations and Finance drop their report on the MTEF/FSP for their meeting today and na so d house sharp sharp reason d matter den dem come ok am. The lawmakers wen give the report pass mark, approve the proposed 2.18 million barrels per day as production output for 2020 wit d view say the Nigerian National Petroleum Corporation and security agencies go make efforts to end oil theft and vandalisation.
Vice Presido dey pledge loyalty to Buhari and Nigeria
Vice Presido Prof. Yemi Osinbajo don promise say he go continue to dey loyal to President Muhammadu Buhari and Nigeria. The promise wen the VP make dey for inside one magazine wen dem title, ‘This is Nigeria’ and na so e circulate for the old Banquet Hall of the State House, Abuja Oga Osinbajo yarn dis one becos of d report wen dey play say things don get d way wen e be for the Presidency and say dis one na becos of d recent changes wen oga Persido make.
Soldiers dey help kidnappers for obodo Naija
Enyinnaya Abaribe, d senator wen dey represent Abia south, don accuse soldiers say dem dey “help kidnappers” for the country. Abaribe make the accusation when he dey contribute on top one motion wen concern d insecurity wen dey play along Abuja-Lokoja road during senate session yesterday. He come still complain about d many cases of insecurity for parts of the country, he come talk say Naija dey for “very big and difficult situation.
FG dey plan to bring back toll gates
The Federal Government don dey conclude plans to reintroduce toll gates for roads for the country. Na the Minister on top Works and Housing, Babatunde Fashola nia download dis informate. He clear State House correspondents plus including d Minister on top Information, Alhaji Lai Mohammed dis one after d Federal Executive Council (FEC) meeting wen President Muhammadu Buhari take charge of for the Presidential Villa, Abuja. He come talk say e no get any law wen dey against toll plazas for the country, and say the Federal Government dey working on some kind matters so dat dem go fit reintroduce cashless toll plazas.
Results wey play for Wednesday Champions league
Chelsea mama Lille 2-1 for the champions league game wen dem play yesterday. Na Tammy Abraham and Willian nia down d two goals for Chelsea. Meanwhile na Naija own Victor Osimhen nia come drop d only goal for Lille. For another side Barcelona beat Inter Milan 2-1 den Liverpool come blast Salzburg 4-3.
English national team fit turn Tammy Abraham head
Reports say Tammy Abraham dey ready to accept England call-up if Gareth Southgate pick the striker for him squad for the Euro 2020 qualifiers against Czech Republic and Bulgaria and dis one na move wen go fit seal Abraham international future, and also end Naija hopes of getting d player. Southgate go name him squad for England double-header on Thursday and like dis Abraham dey wait to see whether him good form for Chelsea dey enof to give am place for the squad. Naija don dey try to convince Abraham to switch him international loyalty, undermining say the 21-year-old don already win two senior England caps for friendlies against Germany and Brazil….
Stop to call young Nigerians wayo wrists
The Federal Ministry of Communications don warn security agencies say make dem stop to dey call young Nigerians wen dey work with phones and computers wayo wrists. The ministry give the warning when dem dey react to reports of how security people take dey carry dey harass youths wen dem see for public with personal computers, tablets and other information and communications technology equipment. Wen talk talk person to the Minister of Communications, Uwa Suleiman, dey yarn, he come talk say the ministry dey concerned about dis matter becos the attitude of the security agencies go fit affect the growth of the IT sector. Meanwhile dis development so don already make some Nigerian technology entrepreneurs fire down with one #StopRobbingUs campaign.
President Buhari nor get third term ambition
The Presidency don talk say d news wen dey play say President Muhammadu Buhari go fire down with third term ambition with effect from 2023 no be true. Na the Senior Special Assistant to the President on top Media and Publicity Mr. Garba Shehu, nia yarn dis one for one statement wen he drop for Abuja…. The Presidency say Buhari go “serve him full second elected term for office wen go end for d year 2023 – and then general election go come talk place and him no go be candidate by den.”