For all di too many word wey dey komot from di National Association of Nigeria Students, (NANS) president mouth say Seyi Tinubu, son of President Bola Tinubu do, he don change am say na lie. Atiku Abubakar Isah, don open mouth tok say Seyi Tinubu and di Minister for youth and sports development, Ayodele Olawande nai use N100 million take come bribe am to stand with President Tinubu but as he nor gree nai all di wahala start. But Atiku mouth come change for Facebook, say wetin hapun for April 15th 2025, all na big lie. He say na wrong information wey one Ladoja Olusola, give am nai say Seyi Tinubu send jaguda come beat and scatter di election and plus say Seyi not even near where di election for hapun. Bifor now, Seyi Tinubu don make post for Instagram say all di tins wey Atiku dey tok na dust as na only for he dream di tin take hapun.
Anambra Teenager Give 10 Girls Belle For, Promise To Marry Dem
Anambra State Commissioner for Women’s Affairs and Social Welfare, Ify Obinabo, don dey beg di public make dem follow give advice wetin she go do for small teenager wey don give over 8 girls belle. Na for inside social media she do video dey call for advise afta dem bring di case to her on Tuesday say dem send di 18 years boy go learn work for town but only teree months there, di oga pikin and sales girl don get belle. With vex nai di oga send am back to village but wey so boy reach, afta two months 8 girls don come with belle for am. Di mama nai karey di case to di Commisoner say she don tire, cus na only girls dey find her son come haux. But wey dem ask di boy how e dey do am, he say na to tell di girls say when he get moni him he go marry dem.
We dey comot things wen dey block investments small small – VP Shettima
Vice-President Kashim Shettima say President Bola Ahmed Tinubu administration dey gradually dey remove hindrances to investments for the country. Shettima yarn dis one on Tuesday when Gautier Mignot, the head of the European Union (EU) delegation to Nigeria and Economic Community of West African States (ECOWAS), pay am courtesy visit for the State House, Abuja. Shettima come talk say President Bola Tinubu administration remain committed to maintaining their strategic partnership with the EU.
Court don re-open Nnamdi Kanu trial
The terrorism and treason trial of the leader of the separatist Indigenous People of Biafra, Nnamdi Kanu, open on Tuesday before the Federal High Court for Abuja with the prosecution wen tender several exhibits, including Radio Biafra equipment. For the trial, Kanu say him no be violent person as the Federal Government talk.. Instead, he claim say him fight dey solely for the emancipation of the people for the South-East, South-South, and parts of Benue and Kogi states. Kanu so make the statement for one written document wen he submit to the Department of State Services on October 15, 2015, for Lagos.
Police don dey give tinted glass permit again
The Nigeria Police Force (NPF) don reactivate the issuance of Tinted Glass Permits (TGP) nationwide through one “secure and user-friendly” platform available for possap.gov.ng. When Muyiwa Adejobi, talk talk person for the police dey yarn for one statement, he come talk say them decide to make dis move becos of d complains wen dem dey receive from people wen dey drive motor about harassment becos of the use of tinted windows. He come talk say the initiative reflect the need for a clear, transparent, and accountable process for regularising factory-fitted tinted glass on vehicles.
Omo-Agege Don Tok About Govinor Sheriff Oborevwori Wey Join APC Canoe
With wetin pipo dey believe say go hapun afta Delta State Govinor, Sheriff Oborevwori komot from PDP enta APC, Ovie Omo-Agege wey be di opposition bifor don tok how di mata be for he end. D foma Deputy Senate President, on Sunday go tok about di mata for statement wey dem release on Sunday say APC for national level and state dey work to make sure say dem safe guard Delta. Nai Omo-Agege come tell all di state stakeholders make dem welcome peace so that Delta State and Nigeria fit see progress and move forward. He come tell all di APC ward and local govimet executives say make dem use spirit of brotherhood take gada for reception rally wey dem go do today, Monday, for Asaba to welcome Govinor Sheriff Oborevwori, foma Govinor Ifeayin Okowa and plenty odas wey leave PDP to APC.
SA To Governor Sheriff Oborevwori, Sabificate Don Die On Easter Sunday
Honourable Chief Shimite Bello, wey everybodi dey call Madam Sabificate, di Special Adviser to Govinor Sheriff Oborevwori for mata wey concern Trade and Export, nai dem say don die on Easter Sunday cus of di way her husband dey maltreat her for haux. Bor be small shock nai full pipo bodi as dem hear say Sabificate don die of posion as many dey say dem dey suspect say sumtin dey behind am. Wetin di Family tok be say dem suspect di husband Pastor David Favour Love say nai he poison Sabificate as bifor dem rush her to hospital she dey foam from mouth but as dem reach St. Luke’s Hospital for Asaba, na there she die. As she die nai police arrest di husband as many pipo still dey say dem never believe say Sabificate don die cus na woman wey dey give pipo joy anywhere she enta and even micro and small business pipo for Delta State nor dey happy.
Catholic Dey Cry As Pope Francis Don Die
Di whole of Catholic church don turn celebration to cry on Easter Monday as dem hear news say Pope Francis don die for di age of 88 years. Pope Francis wey be di first Latin American leader for Roman Catholic Church, don dey sick since for some time bifor news dey come say he don finally die. N for di Vatican TV Channel nai one of dem bishop take announce am say di cold wey dey di Pope bodi don finally take he life around 7:45 today morning. Di cry plenty for Catholic pipo eye cus many of dem see di Pope on Easter Sunday wey dem karey am drive for St. Peter’s Square but dem wake up to hear say dem Pope die.
Mr Macaroni Don Dig President Tinubu Old Tweet Against Jonathan
Skit maker, Adebowale Adedayo aka Mr Macaroni don give President Bola Ahmed Tinubu gbasgbos from same word wey he tok for Twitter for 2014. Di comedian go dig wetin Tinubu tell foma President, Goodluck Jonathan word for word and instead of am to put PDP na APC head karey am. Some of di tweet wey Presidio Tinubu write that time for 2014 dey condem di state of economy, how christians take dey die anyhow for church wey dem go and security problem. N there nai Macaroni turn table put for APC head as he use di same word wey Tinubu tok for di tweet take tell am back from “Di way dem dey kill Christian pipo for church na really bad tin. Dem get to ask Tinubu kwestun weda he for protect Nigerians. “Nigeria security situation don worse and di kontri pipo don tire for explain. Dem want real protection.” ”Di whole kontri nor trust APC again. Di way tins dey go pesin just nid to shine eye.” All di tins wey Macaroni write na from President Tinubu from 2014 and di mata wey he go dig don dey cus anoda problem for social media.
College Admin For Liberia Naked Video Cus problem For Skool
Bong County Technical College, BCTC, wey dey for Liberia di Students don dey vex for James Saybay wey he di Vice President of di skool Administration cus dem see one of he naked video for social media. Na from chat room nai di video first start to spreed to X bifor di tin enta everywhere for Bong County as dem se Saybay dey play with he John thomus for video call with one girl. But di man don say di video na AI work as nor be him be that, say pipo wan just spoil he name and he go karey di pipo to court. Even though say Saybay don say no be home dey di video no bodi beloved am and di students don change he name to weapon anywhere dem see am and dem say he must komot from di position. Local leaders, including members of the Bong Legislative Caucus, Local leaders don start to use kona mouth tok but never come out openly. Even do BCTC skool admin never bring any statement about di problem wey dey di skool now.