Governor Ifeanyi Okowa sign three Bills for the establishment of new universities for the state on Thursday. Wen d governor dey yarn for the ceremony wen shele for the Government House, Asaba, he come hail the House of Assembly for the way wen dem take pass the bills sharp sharp. The new institutions include the University of Delta, Agbor; Dennis Osadebay University, Anwai and the University of Science and Technology, Ozoro. He come still thank the Ministry of Higher Education for d efforts wen dem make to make sure say the establishment of the kians dem see d light of day.
FG agencies dey disobey Osinbajo-NPA
The Nigerian Ports Authority (NPA) say some federal government agencies wen dey operate for the ports bone d order wen Vice Presido Prof. Yemi Osinbajo give for dem to dey run 24-hour operations for the port. For d year 2017, Osinbajo sign one executive order wen give order for 24-hour operations for the Apapa port in order to improve the efficiency of the business environment and transparency. But wen Hadiza Bala Usman, managing director of NPA come dey yarn for one interview on Thursday, she come talk say some federal government agencies disobey the executive order and say dem no give d people wen error any punishment. She come still talk say the Nigerian customs don step up efforts to speed up inspection process.
493 Nigerians kpeff ontop insecurity matas
Na nothing less than 493 Nigerians nia don kpeff as a result of insecurity since President Muhammadu Buhari appoint new service chiefs. But dis number dey a little bit lower than d other month before their appointment. One study wen dem carry out show say most of the victims dey for the northern parts of the country where bandits and Boko Haram insurgents hold strong. Na one month back, precisely on January 26 nia oga Buhari take replace Naija service chiefs after heavy blasting about their poor performance.
We go deal with bandits-Buhari
President Muhammadu Buhari don talk say him administration go continue to deal with insurgents, bandits, kidnappers and other criminals wen dey threaten innocent citizens for across the country and he say he no go give amnesty to bandits. Wen oga Buhari dey yarn on Thursday during the joint security meeting of Northern State Governors’ Forum and traditional rulers, he come talk say the country dey battle with different forms of security challenges, he come talk say he don tell the new service chiefs to look for new strategies wen go make everything dey okay. He come talk say criminality na something wen dem need handle well without partial.
Ask politicians for wetin dem promise you-Oboro
Ahead of the Delta state local government elections, before before House of Representatives Member Evelyn Oboro don tell indigenes and people wen dey long side for Uvwie to always demand for d electoral promises from their elected leaders. Oboro wen yarn on Tuesday as she dey hustle for votes for the party Chairmanship and chancellorship candidates when the Uvwie PDP campaign train visit Ward 8, come talk say quality leadership require d collective effort from the leaders and the people wen dem dey lead. Wen PDP leader for the ward Francis Ahriyo come dey respond, he come call for more dividends of democracy.
President Buhari meet with Senate Presido ontop security matas
President Muhammadu Buhari hold coded meeting with Presido of the Senate, Ahmed Lawan on Monday for the Presidential Villa, Abuja. Lawan clear State House correspondents say dem discuss about the issues of d security challenges wen dey face the country. He come talk say na the responsibility of the government to secure the environment for Nigerians to live well.
We no go fit ignore cryptocurrency market- Timi Agama
The Securities and Exchange Commission (SEC) don talk say need dey to regulate cryptocurrency trading. Wen Timi Agama, head of registration, exchanges, market infrastructure and innovation department of SEC dey yarn for one online lecture wen the Association of Capital Market Academics of Nigeria (ACMAN) organize for Abuja, he come talk say cryptocurrency na $2 trillion market wen nobody go fit ignore. Agama say although SEC or the capital market no go fit take or encourage any wayo wayo practices wen dey give space for money laundering, he say cryptocurrency na market wen dem really need to soji. You go remember say of recent, the Central Bank of Nigeria (CBN) tell commercial banks to block accounts of cryptocurrency traders wen dey for their systems.
Ortom to Bala: Apologise give Nigerians
Benue State Governor Samuel Ortom don tell Bauchi State governor, Bala Mohammed to apologize give Nigerians becos of wetin he talk say he support d idea of herdsmen carrying AK-47 to defend themselves. Wen Governor Ortom dey yarn wit news people for Makurdi on Monday, he come talk say Governor Mohammed fall hand as he take dey try to defend him comment especially now wen d security situation for across the nation be as e get He come still say make Nigerians hold Bauchi State governor responsible if in case anything happen to am, based on say threats don dey come from the Fulani herdsmen to kpuff am.
Customs don reduce import levy on vehicles
The Nigeria Customs Service (NCS) say dem don start implementation of the reduced import levy for vehicles. The 2020 finance bill wen President Muhammadu Buhari sign enter law dey provide downward review of excise duty on tractors and motor vehicles for transportation, plus including d levy wen dem dey pay for imported cars. Joseph Attah, the Customs public relations officer come talk say dem don share one circular give all the service commands for sharp sharp action.
Expect say pump price go high-IPMAN
Members of the Independent Petroleum Marketers Association of Nigeria, IPMAN don advise Nigerians say make dem expect higher petrol pump price for the coming days, say d price go fit rise go N195 per litre. Them complain say the Federal Government, the Nigerian National Petroleum Corporation, NNPC, and their subsidiary, the Pipeline and Products Marketing Company, PPMC neva serious on top d deregulation policy. Last week, NNPC rule out immediate increment for d price until meeting don hold between the Federal Government and labour unions by the end of the month.