Delta Government don announce the approval of the construction and rehabilitation of nothing less than 15 roads for across the state and dis one so go cost about N16 billion. This one na part of the decisions wen dem reach for the State Executive Council meeting wen the Governor Dr. Ifeanyi Okowa take charge of. Wen the Commissioner for Information, Mr. Charles Aniagwu come dey clear news people newsmen whats up after the council meeting for the Government House, Asaba, he come talk say the roads wen dem approve spread across the three senatorial districts for fairness and equity. Aniagwu come list the roads wen include construction of Oporoza Township Roads for Gbaramatu , Ogbe-Ijoh internal roads for Ogbe-Ijoh, both for Warri South-West and construction of Dantinajo Gold Resort Road, Oleh for Isoko South plus including others.
Mastercard go accept cryptocurrency for 2021
Mastercard don talk say dem go begin dey accept cryptocurrencies for their network for dis year 2021. For one blog post wen Raj Dha-mo-dha-ran their executive vice presido for digital assets, blockchain products and partnerships sign, the company say dem dey prepare for the future of crypto and payments. Mastercard come talk say this development go create more possibilities for shoppers and merchants to dey run transactions on top one totally new form of payment.
We go shift focus for revenue mata- Zainab Ahmed
Zainab Ahmed, d minister of finance, budget and national planning don talk say the federal government go shift focus from revenue collection go after people to know whether dem dey really dey pay their tax. Ahmed yarn dis one for d economic outlook conference wen Delloite, one audit, consulting and corporate finance company organize. The minister come talk say the federal government dey adopt two major fiscal initiatives — the 2020 finance act and strategic revenue growth initiative (SRGI) — to drive the economy towards recovery. She come still day the SRGI na mechanism for improving fiscal revenues from six to 15 percent of gross domestic product (GDP) by 2023.
Stop that rough play-Lai Mohammed
Lai Mohammed wen be d minister on top information and culture don warn those wen dey plan to reoccupy the Lekki tollgate for Lagos state say make dem stop that rough play. On Monday, some citizens for social media dey call for demonstration for the tollgate after the judicial panel wen the Lagos state government arrange to probe police brutality and human rights abuses talk say dem fit reopen am on Saturday. Wen Mohammed dey yarn for one press conference for Abuja on Thursday, he come talk say the federal government no go allow the kind of violence wen play for the #EndSARS demonstrations last year repeat itself. Meanwhile, Hakeem Odumosu, the Lagos commissioner of police, don give warning say the command go stand gidigba to resist any plan wen people get to protest for the state. Odumosu yarn this one on Thursday wen he dey raport wit news people concerning the #OccupyLekkiTollGate protest wen men don arrange to hold on Saturday. He come talk say the command don gather informate say some “hidden agents of destruction” dey plan to carry out violence, den he come talk say the police go act accordingly to counter anything wen go cause break down of law and order. But Wen rights lawyer Dele Farotim come dey react on top d matter, he come talk say na the lagos state governor nia dem go hold responsible if anything like violence happen.
Naija go need 5million jobs to solve unemployment problem-IMF
The International Monetary Fund IMF don talk say Naija go need to create 5 million jobs every year for the next 10 years to cover their unemployment gap. For one report wen show on Monday, the IMF say by creating that number of jobs, e go help to absorb the country projected 54 million new people for the labour force for the next 10 years. The Fund come still talk say the nation need to encourage more open trade and good policies to promote growth.
Virus no leak for China-WHO
One team of World Health Organisation (WHO)-led scientists wen dey investigate how dis COVID-19 take start don talk say the theory wen dey say the virus leak from one lab for Wuhan, China no be true. Wen Peter Ben Embarek, the head of the WHO mission dey yarn on Tuesday, he come talk say e no dey possible say d virus leak from the Wuhan Institute of Virology for China, when dey house one laboratory wen everybody know say nia dem take dey do research for coronaviruses. On January 14, one team of 13 scientists ball enter Wuhan, China to go trace the origin of the okamuja, after one earlier quanta between d WHO and the Chinese authorities.
Civil society don sue central bank for cryptocurrency mata
One civil society organisation, the Digital Rights Lawyers Initiative, don drag the Central Bank of Nigeria and Securities and Exchange Commission go court becos of the recent action wen the apex bank take as dem take say make Deposit Money Banks stop to dey run any transaction wen get to do wit cryptocurrencies. For the Suit wen den file on Monday, February 8, 2021 for the Federal High Court for Lagos, the group say the CBN, when be the first defendant, no get the power to stop financial institutions from running cryptocurrency transactions. The digital rights lawyers come talk say the second defendant, SEC, talk for one circular wen carry September 14, 2020 as date say cryptocurrencies na legal digital assets wen dey “protected under section 44 of the Constitution of the Federal Republic of Nigeria, 1999 wen dem don amend.
Buhari don flag off Kano-Maradi railway project
President Muhammadu Buhari don flag off the Kano-Maradi railway project. For d online event wen shele on Tuesday, oga Buhari say the rail project go strengthens him administration commitment to improve the transport sector and also help to promote economic activities d more. He come talk say the rail line dey pass thru the major commercial and administrative centre of Kano and say e pass through other economic areas of the country including Kazaure, Daura, Katsina and up to the border town of Jibiya and the Niger Republic city of Maradi.
Political leaders na problem solvers
Senate Presido Ahmad Lawan don talk say political leaders na problem solvers and say dem must unite to end insecurity for the country. Wen Lawan dey address him colleagues for the floor of the senate on Tuesday, he come talk say the recent cases of herders-farmers gbege na major concern to all citizens. The senate presido come still talk day the national assembly dey work with the executive arm of government to improve security for the country.
Covid-19: Mobile court go start today
The Chief Judge of Delta state, Justice Marshall Umukoro, don talk say mobile courts wen go dey in charge of cases wen get to do wit people wen no dey gree obey COVID-19 protocols go start sitting for across the state today Wednesday. Umukoro make d announcement in Tuesday for Asaba for the reopening of the High Court Complex wen dem rebuild after men burn am down down during d ENDSARS protests for d year 2020. He come tell the general public say make dem obey the COVID-19 protocols so dat dem no go face punishment.