Rotimi Amechi wen be d Minister of Transport don talk say any restructuring for Naija must take into account those states wen dey weak financially. Wen Amaechi dey yarn for one interview dis past weekend for Port Harcourt, he come talk say currently some state no dey fit even pay salaries becos of their low monthly allocation. He come talk say addressing that challenge dey very important for the restructuring process.

The Christian Association of Nigeria (CAN) don talk say the call wen Ibrahim Muhammad, chief justice of Nigeria(CJN) make for d  amendment of the constitution to accommodate certain ‘parts of Shari’a’ dey reckless and say e no make sense. Wen d CJN dey yarn for the 20th annual judges conference for Kano last Wednesday, he come still talk say the language of instruction for Shari’a law for universities suppose be Arabic and not English. But wen Samuel Kwamkur, national director of legal and public affairs for CAN come dey yarn for one statement, he come talk say wetin Muhammad talk no just make sense at all as a public officer, as person wen be expert for law matters and even as the head of Naija judiciary”.

The Economic and Financial Crimes Commission EFCC don secure the convictions of nine internet wayo wayo people and one Banker before Justice Emeka Nwite wen dey for the Federal high Court for Warri, Delta State. Them carry dem separately go d court for offences wen include impersonation, plan to defraud and failure to disclose suspicious transactions. Those wen dey convicted according to reports include Onomua Victor Ovie, Evans Ikpasa Efe, Abuwa Mavis,  Godbless Omamuyovwi, Peter Atolo plus including others.

One high court for Adamawa don give order for the arrest of Diezani Alison-Madueke, before before minister of petroleum resources, for d way wen she take give bribe of N362 million to Independent National Electoral Commission (INEC) officials make dem for change d result of the 2015 presidential election. Na Nathan Musa wen be the judge nia give this order yesterday wen he dey deliver judgement against Ibrahim Umar and Sahabo Hamman, d two staff of INEC wen collect the bribe from Alison-Madueke. The judge come direct Mohammed Adamu wen be d inspector-general of police (IGP), say make he collabo with the International Police Organisation (INTERPOL) to make sure say dem arrest d before before petroleum minister.

Kinsmen of the President, Major General Muhammadu Buhari don blast oga presido wife, Aisha becos of wetin she talk on Wednesday as she take accuse Garba Shehu, presidential spokesman say he dey take instructions from Mamman Daura, the president nephew den he come dey belittle her office. Wen the kinsmen dey yarn for Daura for separate exclusive interviews wen dem get with news people, dem come talk say Mrs. Buhari no try for d way wen she take make wetin be purely private family affair, public. Wen people wen dey long side for Daura, the villa of the President come dey yarn on top d matter, dem come talk say the first suppose report the matter give her husband man.

The Attorney-General of the Federation and Minister of Justice, Abubakar Malami, SAN, don order the Department of State Service, DSS, to remove their hand comot from d prosecution of d leader of #RevolutionNow Protest, Omoyele Sowore wen dem hold since. Wen the AGF dey yarn for one statement wen he drop give news people thru him media aide, Dr. Umar Gwandu today, he come talk say he don direct the security agency to forward the case file of Sowore wen dey before the Federal High Court for Abuja, go him office. Malami come still tell the Federal Ministry of Justice to immediately take over the prosecution of all d charges wen dey against Sowore, in line with the provisions of Sections 150(1) and 174 (1) (a-c) of the 1999 Constitution wen dem don amend.

The Senate don tell the federal government to initiate sustainable unemployment fund for d payment of living salary to unemployed Nigerians until those persons get employment. Currently, the millions of Nigerians wen dey unemployed no dey get any kind of benefits from the government. Mr. Ekweremadu wen lead d debate come talk say any country wen get dis number of unemployed, but employable youth population dey only dey sit down on top bullet. Yesterday, the Senate come still say make the federal, state, and local governments declare state of emergency on the provision of employment for Nigerian youth.