On Tuesday, the Christian Association of Nigeria CAN blast President Muhammadu Buhari, say d guy no dey fit at all. Na presido of the association, Samson Ayokunle, nia yarn dis one for Abeokuta, Ogun state capital wen he dey talk for one gathering. He come talk say the insecurity and other okamuka wen dey play for the country na becos of the I don’t care attitude of the Buhari administration.
I no go fit reach all the states-Ibrahim Muhammad
Ibrahim Muhammad, chief justice of Nigeria (CJN) don talk say he no go fit reach out to all 36 state governors to ask them to implement financial freedom for the judiciary. For the month of May, 2020, President Muhammadu Buhari give financial autonomy to the legislature and judiciary across the 36 states of the country. But, state governors neva still dey carry out the implementation of this executive order. Meanwhile, members of the Judiciary Staff Union of Nigeria (JUSUN) come start one nationwide strike on Tuesday. But for one statement, the CJN come talk say he go like to speak to every governor on how to implement financial autonomy for the judiciary, but say e go come fit result to owing them favours.
FG convert PTF go Steering Committee
The federal government don convert d presidential task force (PTF) on COVID-19 go the presidential steering committee (PSC). Wen Boss Mustapha, Secretary to the government of the federation dey yarn for one media briefing on Tuesday, he come talk say President Muhamadu Buhari approve the conversion, and say the mandate of the PSC dey end on December 31. According to Mustapha, the PSC go focus on d aspect of d giving of the vaccine, and den promote policies wen go help for the development of the country health sector.
Ohaneze Ndigbo don condemn appointment of acting IG
Apex Igbo socio-cultural organisation, Ohanaeze Ndigbo Worldwide, on Tuesday, condemn the appointment of one Deputy Inspector-General of Police, Usman Baba, as the acting Inspector-General of Police. Na Ohanaeze National Publicity Secretary, Chief Alex Ogbonnia nia yarn dis one during one interview wen he get with news people. The group come talk say na the injustice of the Federal Government under the leadership of the President, Muhammadu Buhari nia dey responsible for all d plenty gra gra and insecurity wen dey worse for the South-East.
Make una no block people-Okowa
Governor Ifeanyi Okowa, don advise permanent secretaries for the state say make dem no block people wen dey under them and make dem no stop their free flow of ideas wen go make sure say proper coordination and growth dey for the civil service. Okowa give the charge on Tuesday wen he dey swear in 12 new permanent secretaries and Auditor-General for Government House, Asaba. He come warn permanent secretaries say make dem no dey oppress their directors and other lower grade workers, he say instead make dem allow ideas from them to flow for the good governance of the state.
Get small qualification pass your teachers-Oladosu
The Dean for d Faculty of Arts, University of Ibadan, Professor Afeez Oladosu don tell school proprietors to get some level of qualifications above their teachers so dat dem go fit get more respect. Professor Oladosu yarn dis one yesterday for the formal opening of the annual Conference of Association of Model Islamic Schools, AMIS, Oyo State Chapter wen shele for the Islamic Centre, University of Ibadan Central Mosque. He come talk say school proprietors need to dey get more knowledge from time to time, say dis one go place them above their subjects and say e go put dem for good position so dat dem go fit dey control their schools well.
Join the strike-NARD tell doctors wen dey covid-19 centres
….Judiciary shutdown court for Abuja The National Association of Resident Doctors don order doctors for the COVID-19 isolation centres to join the nationwide strike wen dem start on April 1. The NARD come still threaten any of their branches wen fail to join the strike go pay fine of N5million. Them come still talk say any branch wen error no go hold any national position for the next two years. For another side,Judiciary workers shut down the Supreme Court for Abuja on Tuesday, in line with their threat to start one indefinite nationwide strike unto say dem dey seek financial freedom for the judicial arm of government. Them take dis move undermining say the Nigerian Bar Association (NBA) tell the workers to fashi the strike action, becos according to d NBA now no be d right time becos the Nigerian courts neva dey fit dey operate to full capacity becos of the COVID-19 matter wen dem don dey battle with for the last year. Meanwhile, news people wen reach there say dem meet the gate to entrance of the supreme court locked at about 7.10 a.m. dis mor mor and dis one so come make workers when been wan resume duties today after the Easter holiday dey stranded.
Kaduna state government-We don rescue five students
The Kaduna State government say dem don rescue out of five of the 39 students wen bad guys kidnap from the Federal College of Forestry Mechanisation, Kaduna, last month. For one statement wen the state Commissioner for Internal Security and Homeland Affairs, Samuel Aruwan drop on Monday, he say na security operatives for Kaduna nia rescue the students on Monday. Aruwan come talk say d students wen don get their freedom so dey for one military health facility for the city dey receive treatment.
Owerri prison break no join-Buhari
Before dis statement wen oga buhari make so, the police say na members of the outlawed Indigenous People of Biafra (IPOB) nia carry out d attack. The police say nobody denkwes for the attack wen happen for their headquarters but one police officer get injury from bullet wounds. Meanwhile, for one separate statement, the prison authorities say na more than 1,800 inmates nia the attackers dem release.
Itsekiri nation announce new Olu of Warri
….Olu of Warri don kpeff ….new Olu, e no go work-Ayiri The Itsekiri National Assembly don officially announce say His Magesty Ogiame Ikenwoli, the Olu of Warri don kpeff den dem come introduce the person wen go take over from d late king, Prince TSOLA EMIKO give the Itsekiri Nation. Them announce the new Omo Oba yesterday for Ode – Itsekiri wen dey for Warri South Local Government Area of Delta State. Chief Johnson Atserunleghe, the lyatsere of Warri Kingdom when formally announce say His Magesty, Ogiame Ikenwoli don denkwes give the Solemn Assembly of the Itsekiri Nation come still announce one mourning period of three lunar months throughout the ltsekiri Nation. Meanwhile,the Ologbotsere of Warri, Chief Ayiri Emami, don talk say dis new Olu of Warri wen dem introduce so no go work, say the announcement of Prince Tsola Emiko as Omoba dey illegal. Even as Ayiri dey tell d Itsekiri people and concerned Nigerians say make dem dey calm, he come talk say d Olu stool wen dem dey respect well well no be for the highest bidder. He come talk say out of the seven kingmakers for the kingdom, na only two of the kingmakers nia mark present for the ceremony wen shele for Ode-Itsekiri, the ancestral home of the Itsekiri people for Delta State.