No be small gbedu yesterday after the Independent National Electoral Commission INEC declare Godwin Obaseki as the governor-elect based on on Saturday Edo State election. Obaseki wen be d candidate of the Peoples Democratic Party (PDP) get 307,955 votes for across 18 local government areas while Osagie Ize-Iyamu, d candidate of the All Progressives Congress (APC) come get 223,619 votes. The governor win for 13 local government areas while Ize-Iyamu wen be him closest challenger come win for five. Meanwhile, President Muhammadu Buhari don congratulate Godwin Obaseki, governor of Edo state as he take win second term for office. For one statement wen Garba Shehu, presidential otota drop yesterday, Buhari say he dey committed to free and fair elections because nia be d koko of true democracy. He come still tell Obaseki say make he use him brain even as he dey celebrate. Whereas, the main d main person wen carry d world cup on top dis matter governor Godwin Obaseki, he don carry hand for d people of Edo state for d way we dem take re-elect am again. He come talk say d win wen he win so na victory over god father marras.
New Zealand don enter recession
New Zealand dive enter recession for the first time for inside 10 years on Thursday, as data confirm am say d economic collapse wen take place come force Prime Minister Jacinda Ardern to defend her pandemic response ahead of next month general election. National data agency Stats New Zealand come talk say the 12.2 percent contraction of April-June na “by far the largest” since records begin with the country wen come dey for serious lockdown for almost two months and the country borders wen still dey closed.
APC go lose-Wike
Nyesom Wike, d governor of Rivers state don talk say if the police go fit stop political jaguda dem make dem no involve for d Edo governorship election, he say the All Progressives Congress (APC) go lose like say tomorrow no dey. Wen Wike dey yarn during one interview on Thursday, he come talk say need dey for people wen go vote for Edo state to open their eyes so dat dem go see any kind mago mago wen go play if at all. He come tell the Edo people say make dem dey peaceful and say make dem protect the electoral process.
Delta State:CEPEJ dash police building
As part of activities to take mark the 2020 international Peace Day, the Center for Peace and Environmental Justice CEPEJ don build and den donate the state Intelligence investigation Bureau Building give the Delta Police force, Warri Area Command. Wen d National Coordinator of CEPEJ Mulade Sheriff come dey yarn on Thursday during the handover ceremony, he come talk say need dey for greater cooperation towards ending the threat of insecurity. Meanwhile the Inspector General of Police Idris Abubakar wen the state commissioner of Police, Hafiz Yahaya represent come hail CEPEJ for the make sense thing wen dem do say becos dis one go really help the police to dey detect crime and also bring an end am. He come still say make other bodies partner wit our olokpa dem so dat d security situation go dey better
Naija students protest for London
Nigerian students wen d Niger Delta Development Commission (NDDC) dey sponsor for abroad unto book matters dey hold protest in front of the Nigerian High Commission for London becos d commission neva gree release pepper for their scholarship. The students wen dey protest represent many students wen dey for Batch 2018 of the NDDC foreign scholarship programme wen neva receive money yet for their school fees undermining say the NDDC say dem recently release more than $5.9 million for the programme. Wen the students come dey voice for one statement, dem come talk say the NDDC management deliberately remove them from the latest payment for the scholarship programme.
Chelsea transfer mata-Mendy and Tomori
The move wen Edouard Mendy wan make go Chelsea na something wen Rennes wen don make one last-minute demand to include Fikayo Tomori for the deal dey hold up. Mendy nia go become the seventh signing for Chelsea after tori play come dis past weekend dem don reach agreement of £25million with the Ligue 1 side. But while the details neva dey finalised, Rennes for now dey hope to receive Tomori in return as them dey look to squeeze more comot from the west London club.
Our plan go help Nigerians
Special assistant to the vice presido prof. Yemi Osinbajo on media, Laolu Akande don talk say the new Economic sustainability plan of the federal government go positively impact Nigerians. Na yesterday nia Akande for take download dis informate during one interview for Abuja, he come talk say the president Muhammadu Buhari led administration dey committed to reduce d level of poverty and hardship wen the citizens dey face. Akande come still talk say d govt get plans to launch the survival fund aspect of the economic plan.
Stop to dey harass dem
Chairmo of the Peoples Democratic Party PDP, Prince Uche Secondus don tell the Directorate of State Security Service, to stop to dey harass the before before Deputy Governor of the Central Bank of Nigeria, CBN, Dr. Obadiah Mailafia. Wen Secondus dey yarn for one statement, he come talk say d way wen d SSS take dey continue to dey invite d before before CBN gbolons dey disrespectful of him status, say dem don forget d contributions wen he don make to the development of this country.” He come tell the DSS say make dem learn to “accommodate different views on top issues.”
We go dey okay-FG
Federal government don talk say naija economy go recover fully by the first quarter of next year from corona wahala. The minister of finance, Budget and National planning, Mrs Zainab Ahmed nai yarn this one when FIRS members visit am for Abuja. She say “we dey expect say by first quarter of 2021, we go dey okay”. She con tell the FIRS members say government get responsibilities and debts to pay,all this one need the revenue wen dem dey collect.She tell dem say government dey expect dem to do more.
Delta State:Tertiary schools go resume October
The Delta state government don talk say the state tertiary institutions go resume academic work on the 2nd of October 2020. The report come after them close schools for the state based on corona matas. The state commissioner for Higher Education nai yarn this one for one interview with Niger Delta Today.He clear am say federal schools no join this one as na federal government dey control them. He con beg students to follow all the covid-19 rules so dem no go catch and spread coro for schools.